很多年前係某個展覽會上敗了給Wacom, 買咗第一塊繪圖板,
仲要係Mac板, 個樣靚仔, 用料都好好, 未畫花過板面.
之後轉用PC機, 又要買過塊, 無法Mac & PC共用呢吓都幾差...
而PC果塊外形同用料都差d, 表面塊透明膠都幾易磨損, 塊板其實我都少用,
係近來畫多d公仔先至拎番出來用, 花咗o既膠面我貼番塊透明牆紙就解決咗,
但力度感應方面就神神地, 輕力經常感應唔到, 咁搞法令我有升級的諗頭.
不過睇Wacom個網, 買平o既繪圖板就同無升過級差唔多,
只係多幾粒制同外形唔同咗, 想買大D尺吋就更貴... 而買專業級數o既就更加貴!
最後俾我發現, 原來大陸都出咗隻同Wacom一樣免入電的繪畫板叫漢王Hanvon,
Hanvon隻graphicpal級數係數字上不下於Wacom的Intuos3, 但價錢就平好多!!
而佢隻art master又貴過graphicpal成倍, 但數字上只係比graphicpal高少少,
有兩支靚筆同多幾粒制同多d筆芯就貴咗成千銀...
俾我揀當然買番次一級的graphicpal系, 今次敗了給Hanvon.
呢塊就係新o既繪圖板啦, 個外形似番以前買果塊Mac用Wacom板, 當堂靚仔晒!
漢王塊板係8x6吋, 足吋有特, Wacom果塊係5x4吋, 仲要唔足4吋,
相比起來size足足升級咗成倍, 而感應的數據字面上都升級咗成倍,
大細力度方面好細緻, 正到爆, 但最驚喜係支筆原來係感應到角度,
用平頭o既筆時, 你個頭筆係轉動去咩角度都應到, 而筆身打斜都對應到,
可以做到噴筆斜噴的上色效果, 我都無留意原來依家d繪圖板可以玩到咁...
頭先試咗陣, 漢王塊板真係好抵玩! 希望佢唔會咁易壞同咁易磨損塊面就好la...
另外我塊Wacom板原來係Graphire1, Graphire4都停產咗, 塊板真係好老爺吓...
銀仔 2009-09-07 23:32
http://www.failforum.net/forum/viewthread.php?tid=1061597&extra=page=1&filter=0&orderby=dateline&page=1
有人買了說....雖然是2個月前- -
但是也加深我想買的慾望...............
前天到黃金看最平好像17XX.......電腦展之前好像賣900- -
汗....
Yung22009-09-08 00:27
但其實如果買得起千幾二千蚊的板, 咁做乜唔買番Wacom呢? 我買Hanvon的理由係佢夠平.
就以官方定價為例:
Wacom - Intuos3 - 6 x8 HK$ 2,411
Hanvon - Art Master - 6 x8 HK$ 1,899
Hanvon - Graphicpal - 6 x8 HK$ 8,99
Graphicpal同Intuos3比係平一倍以上, 但Art Master同Intuos3比只係平幾500度. 如果你覺得買Hanvon塊Art Master會搞到心大心細的話, 咁不如比多些少去買Wacom塊Intuos3, 老牌子用起來點都安心d掛?
銀仔 2009-09-06 12:40
查實我好想知點解ART MASTER貴咁多...性能又唔係差得遠...搞到我唔知買邊塊好...我又唔係咁中意買D平野...貴成千蚊應該係有佢個一千蚊既價值先會賣咁貴既...但係價值何在...?佢有冇中文查詢電話架..我想打過去問下- -
Yung22009-09-07 00:01
明顯有不同o既就係支筆, 支筆個手感係好d, 仲要係有跟兩款不同o既筆, 而塊板多咗幾粒制咁, 呢d都係Graphicpal系無o既, 但我就覺得Graphicpal塊板簡潔美觀d.
我買板果間係有ART MASTER果塊俾人試用, 你買o既時候都搵間有試用o既先再作決定吧, 話晒塊板唔壞唔退化的話真係可以用好多年.
電話佢網都有, 我估d人應該都係講中文架?
銀仔 2009-09-05 00:29
極想問貼主係邊到買
同埋知唔知邊到有得買- -
唔該哂你--
Yung22009-09-05 01:13
香港代理個網, 有晒價錢. www.gcr.com.hk
佢地個shop list: www.gcr.com.hk/main/shops/html/shoplist.asp?brand=14
閒人 2009-08-05 18:30
Yung22009-08-05 19:24
冰凱 2009-07-23 11:22
其實我都有用過wacom，我都相信其品質，不過開始我發覺wacom的售價比其他品牌浮動很大，尤其貴板售價，Intuos3在2007年官網售價是$1667，新年之後$1920（當時物價升得很利害。），現在都是一樣，Intuos4最細的板六月初是官網看是$1820，今天官網看是$1900。
雖然我不知道當時Graphire第一代售價是多少，但第三代是$550左右，第四代已經是買六百多元（性能不變）。接著其他品牌出現，就開始覺得wacom除了出名，產品不值這麼貴。
所以有多一點品牌競爭是好事，不過有的wacom粉絲如此說「大品牌的好，其實512跟1024的感壓沒分別，叫人買wacom之類。」或沒有用過其他品牌就說其他品牌不好用，就會覺得他們沒必要這樣做吧？我從來沒有說wacom不好用？只是覺得太貴。
數碼相機的市場競很爭大，做到回當初開發成本也很正常，但數位繪圖板除別的品牌加入競爭可以做到平之外，wacom的一直有升沒跌，性能多少有眼見？不過同業競爭，wacom要加價也不會加得太過份吧？
Yung22009-07-23 12:11
果然沒有直接的競爭就會亂來呢, 現在的價錢已經很貴, 再加價其實只會拎人郤步, 現在用同一個價錢可以買Hanvon的一塊中階板, 相信會越來越多人換繪畫板時會留意多一點其他品牌吧, 我也是這樣才會發現有平靚正的繪畫板賣.
簡愛 2009-07-21 20:50
不好意思，不太識這些~呵呵
Yung22009-07-21 21:28
冰凱 2009-07-20 11:28
你好，只是路過的！
看到你這文章，咦！你不知道Wacom最初推出的Graphire，其實一至四代的筆和板都可以供用的嗎？所以你說的沒錯，「買平o既繪圖板就同無升過級差唔多」，只是改了外觀同賣貴了嘛！看你的wacom板，這應該是Graphire第一代？bamboo才算有升級。
不過我都是在零售商和行家中得知的，有的台灣廠商都知道，當時因為wacom沒有太多競爭對手，所以被wacom這所謂知名品牌蒙在鼓裡的人不少啊！？當然現在拜名牌買wacom的人大有人在，說512跟1024的感壓級數沒分別呢？如果沒分別廠商沒必要用感壓力做賣點呢！被wacom的粉絲聽到會被找碴的！我的blog也算被人找碴過？？留下我的blog給你看看？如果打擾到你，可刪除這留言。http://acory.mysinablog.com/ （小心啊！）
Yung22009-07-20 21:36
我塊wacom應該就是第一代沒錯.
wacom一廠獨大的日子應該快完了吧, 只要漢王爭氣點的話.
512跟1024的感壓一定有分別, 以前那塊很易出現輕力急速變重力的筆觸, 而剛買的這塊新板以輕力畫出來的線條美觀得多了.
其實沒必要做wacom的粉絲吧, 我亦用了wacom很久, 亦信賴他的品質, 但現在的價錢實在賣得太貴了! 數碼相機做到回收當初的開發成本, 就算推出新一代也會慢慢賣便宜一點吧.
油渣麵公主 2009-07-20 01:53
Yung22009-07-20 02:09
塊板$899, 原來佢前果排有個展覽, 如果果陣買就好, 有折, 依家係代理o既定價...
油渣麵公主 2009-07-20 01:52
冇野, 只係想講你知我入左500D 啦~ YEAH~
車車 2009-07-19 20:24
還記得你果時買了一塊給我
但我真係好浪費~現在還放在電腦旁
成日想用~但真係唔識用~
你話如果我識用幾好呢~
Yung22009-07-19 23:39