又生魚仔～～～

今日食完飯砌砌下稿，咦，有粒黑色魚仔呀～～～正想撈起佢之際見到條黑魔利仲生緊，哈～～～好搞笑，見佢生咗一粒波咁出黎，之後粒波申直就變咗一條魚仔呀～～～好得意呀～～～～我由得佢生埋先，啲魚仔一出世好似仲未識游咁，一直沉係底，嘩～～～粒金波子一啲都唔客氣，一啖荅咗粒ｂ，激死我，我唯有即刻見到幾多撈幾多上黎先～～～

好得意架，佢地仲未申得好直，條尾仲彎彎地架，不過估唔到條魚媽媽咁細條可以裝到咁多又咁大粒ｂ喎～～～～

撈晒之後有九條呀～～～放返入去個生仔格度，佢地成日都係係人地放假前生ｂ，放完假之後返工司實死幾條魚架喎～～～希望呢啲ｂ無事啦～～～上次金波子生個啲魚仔都死晒啦～～～嗚～～～努力呀魚仔～～～等我呀～～～～

今日一返到公司見到枱頭有盒底喂底，啊～～～係伊波拉病毒，呢隻碟係我剛入黎呢度做時，有同時已問你睇咗伊波拉病毒未呀？每個同事入黎都要睇架喎，吓～～～睇乜鬼呀，都唔知乜鬼嘢滴波拉就知，終於係三年半既今日有位同事好有心咁去買返呢隻底喂底比我睇，仲話會去哥哥屋企搞個試影會添～～～咁堅？公司既強人都話要分三次先睇得完，咁我諗佢唔止三級啦喎，起碼都八級呀～～～搞到我都唔係好敢睇，有同事話睇完唔敢食差燒飽，又話會發惡夢幾年～～～～點算好呢？好驚呀～～～～