叮噹～

夜晚唔知做乜好～～～就渣架車落紅磡四哥度幫小白黎個＂波地密沙＂，嘻～去換偈油，火咀同埋個鐘粒電芯，不過因為四哥搞咗好耐都仲未整好個火咀，因約咗譚美大姨媽陪我食飯，我見佢咁耐，我話咁不如我星期一再落黎啦，佢話好啦，你落黎陪我食早餐羅，哈～～～佢都係瞓到中午架，三點幾四點先會開鋪，不過佢好細心羅，我放心晒將小白交比佢。所以我三四點落黎未大家個時都係食早餐羅，都係佢幫小白打氣架，因為我唔識搞既～～～

之後飛車出旺角，不過我又唔知點解行鬼去何文田，行下行下，嘩，一條山路既，又無車，好似去山頂條路咁，都唔係啦，ｕ返轉頭先，行下行下出咗九龍城，好彩呢度我識路啫～～嘻～～～唉～～正一路痴～～～

咁我地又去御家食日本野（係呀蛇叔，我又食日本野呀，不過無叫你喎，呵呵呵～～）到我地埋單時，比晒錢啦，但諗下諗下唔對路喎，三百幾蚊咁貴既？我地比上次食得仲少，點解咁貴既，叫個哥哥仔攞返張單睇下先，因我地係坐ｏｒｄｅｒ枱，所以用紙點野食，我地第一次點時，有幾碟壽司點咗無黎，我地又再點多次，睇返張單先發覺無黎個啲都計埋，唔怪得之咁貴啦，後來個經理即刻比返八十幾蚊我，好彩啫，下次都係要睇清楚先得～～～～～

之後譚美大姨媽送咗呢個叮噹比我啦，呢個我無喎～～～～分橋晒～～～

影相佢地好靚架～～～～

個樣幾開心～～～～就係我咁鐘意叮噹就係因為佢笑得好開懷，見到佢人都開心晒～～～

呢隻啲色我最鍾意，因為叮噹係藍色架嘛～～～～我而家有二十幾隻啦，不過我有朋友話會遲啲會有六隻特別版，唔知係未呢？咁未又要等到尾聲先出？玩咩？？？？不過鬼叫我鍾意咩～～～