食左輝仔一餐住家菜

今日一起身（其實已中午十二點幾啦）收到小輝輝的電話，你今晚係未來接米高呀，你放工上黎食飯丫，之後點幾又再收到電話，你想食咩呀？我買緊餸啦，食咖哩牛腩吖！我話咁熱不如出去食啦，跟住小輝輝話唔緊要喎，我放工返屋企整好餸等你地返黎食飯未得羅（註：小輝輝同玉泉要返攝影班）～～嘩～～～居然有個男人話煮定飯等我地收工食飯？哈～～～而家啲女士真係幸福既啫～～～～個日式咖哩牛腩好好味呀，居然仲有粟米湯添～～～

仲有飯後甜品添～～～

小貓咪返左屋企啦，我好似平時返屋企咁入屋，我打開個袋由得貓咪自己周圍走，我照常行入房，哈～～～一轉身就聽到：（阿妹）貓咪你返黎啦～～～（家姐）快啲抺下身先啦，係未肚餓呀，（媽媽）大隻咗喎，不過瘦左喎（老豆見佢瞓係地板度話）你咁識＂炭＂丫下～～～。個個開心到丫，不過佢開頭返到黎一有人行埋去佢都好驚，可能佢仲怕小肥姐姐吧，阿妹扮狗吠，佢即刻成個精神晒，周圍望，勁搞笑～～～哈～～～