網誌分類：刀劍笑 第一代江湖 |
完美,是因為已叫做揾齊三代刀劍笑江湖的合訂本.
不完美,是因為三代江湖的合訂本當中,都帶著點點的不完美.....
或許,刀劍笑本身都是帶著點點的不完美......
又或許.....就算幾完美的人生,都總會帶著些不完美吧......
現在,就讓大家看看這些刀劍笑合訂本是完美,還是不完美吧!
這套第一代江湖的合訂本,應在十幾年前出的,當時台灣同香港都有售,而這套書的SIZE......竟然就係現在潮華版的SIZE!!原來亞劉都幾有遠見,竟然可以比玉記早十幾年就出潮華版呢.
第一代江湖合訂本,書脊係藍色的,有寫上每輯的名.
其實整個第一代江湖,都寫得很精彩的!真代可以叫做完美,如要挑剔的話,只可以說,我手頭上的那套第一代江湖合訂本,在"斷情義,問親恩"那期,沒有收錄代盜聖都疑似華英雄,小虎,無敵,蚩尤那段故事吧.
第二代江湖合訂本,書脊是黑色的
第二代江湖其中的主要角色:橫小弟&橫公子
同第一代江湖比較,第二代江湖是較遜色的.而這套第二代江湖合訂本,最不完美的地方,就是竟然是爛尾書!!!
依套第二代江湖,出到"滅異族"第五輯就竟然冇出,之後既"忘恩殺人件"同"煌煱"都冇出, 就連"滅異族"都仲差一輯先至叫做完.
這個第二代江湖真的很不完美呢!!
在第二代江湖與第三代江湖之間,仲有7期以月刋形式精裝本,都係潮華版SIZE的. 除普通版外,仲有硬皮特別版. 當時真的覺得好正,好完美. 可惜這個完美的感到維持不了多久.......先有嚴重脫期,後有老馮,亞劉分家. 原本是完美的IDEA,最後卻變成了一個不完美的結局.......
普通版
硬皮特別版
第三代江湖是台灣版,書SIZE是大本裝.其實實際來說,刀劍笑只有兩代江湖. 這個第三代江湖的故事是接住打敦煌聖主後的.但可能因為是老馮攞翻刀劍笑個版權後再寫,所以台灣合訂本便叫刀劍笑第三代江湖吧!
這個第三代江湖是由真假刀劍笑開始,寫到大結局的.
第三代江湖每輯的名稱如下:
真假刀劍笑,
殺 夫
後浪葬前浪
心 血
還看今朝
魔與道
三國智
借東風
刀,劍,決
可惜台灣版的書脊沒有寫到每輯的名稱.......
要說不完美的地方,或者是書SIZE不是潮華版,未能跟第一二代江湖併在一起吧.又或者是沒有記載到打敦煌聖主那段吧........
第一代江湖合訂本除了有潮華版後,仲有香港版的合訂本.香港版的合訂本是大SIZE的,同樣是一輯輯的,而且有時合訂本為配合期數,仲會出得特別厚的,就如"殺手樓"同"刀決",原本合訂本都要出2本或3本的,但港版合訂本就改為1期同2期,真係幾正!!
可惜,港版合訂本出到"刀決"就冇出.....無法湊成完美的第一代江湖......
儘管這些刀劍笑合訂本都有些不完美的地方,但在我心中,刀劍笑始終都是一套不可多得的完美港漫!!!
IMG_0006.JPG
IMG_0005.JPG
IMG_0004.JPG
歐陽 2009-11-14 15:46
thank u so much~!!^.^
let make a friend ~!!hee..
well,..刀劍笑 I also like it ,but just the begining chapters ...,...
歐陽 2009-11-14 15:03
Nice to meet u~!!^.^
U like 刀劍笑 very much!?
刀無敵2009-11-14 15:42
Nice to meet you too!!!
係呀! 刀劍笑同霸刀係我最愛的港漫!!
你畫d畫好靚呀!!!
Ｗadee 2009-11-12 21:35
安仔 2009-11-10 02:19
我都有追過第一代刀劍笑
真係幾好睇
最吸引我嘅角色唔係三位主角
反而歹角「呆產」
個名真攪鬼........
刀無敵2009-11-10 22:34
呆產唔止個名攪鬼,個人都好攪鬼
仲有低首梟雄,佢個DUP頭樣都好攪鬼,佢打交果時我成日都覺得係一隻烏龜楂住把刀舞黎舞去......
Ｗadee 2009-11-08 06:20
其實我當年都好想買番一套！
可以合訂本的釘裝太差，好易甩皮甩骨～
刀無敵2009-11-08 11:21
果時D港漫,日漫既合訂本好多時D釘裝都好易甩的,就連我返學的課本有時都會甩幾頁出黎.
可能習慣左睇合訂本要小心D,所以到而家就算睇唔會甩頁既潮華版都唔夠膽大力D打開本書......
jordy 2009-11-04 18:24
人總以為自已可掌握著自已的命運，
由自已的意志去行動。但他的生存，
卻無可挽回地受著命運無情的擺弄。
Albert J 2009-11-02 22:25
我最失望的<刀劍笑>不是漫畫版而是電影版!不知所謂!
說真的, 要重看全386期可是一個大工程!
刀無敵2009-11-02 22:35
電影版純粹賣個名, 根本同原著一D關係都冇.不過果陣時興古裝片,所以依D情況經常都出現的......
不過真係, 要睇哂全套都真係一個大工程!!而且我仲有14本風雲合訂本仲未睇.........
Kristin Liu 2009-10-17 00:52
刀無敵2009-10-17 08:24
jordy 2009-10-16 03:56
有好多老馮手筆既霸刀原稿
霸刀40x-現在
X暴族、飛驚斬擊、霸刀外傳
刀無敵2009-11-02 22:31
好似仲未有確實消息喎.....你地幾時搬呀?搬去邊呀??
jordy 2009-10-15 22:26
公司快搬,想要雄獅十年來的原稿,留意今期絕代英雄 #39
刀無敵2009-10-15 22:39
有冇老馮手筆既霸刀原稿呀???
【喜樂 的森】 2009-10-14 09:57
刀無敵2009-10-14 10:04
金城 2009-10-11 00:00
刀無敵2009-10-12 12:05
michael 2009-10-04 18:38
刀無敵2009-10-05 11:32
隨風 2009-10-03 11:25
黃興豬 2009-10-03 05:19
北窗伏龍 2009-10-02 09:14
刀無敵2009-10-02 10:18
simon 2009-10-01 22:38
祝大家中秋節快樂!!!
熱烈慶祝
中華人民共和國成立六十周年
並祝
中秋節快樂 !!
刀無敵2009-10-01 22:54
Jim Lai 2009-10-01 14:51
刀無敵2009-10-01 22:53
【武】(~港漫同學會~) 2009-09-29 20:28
刀無敵2009-09-29 21:12
金城 2009-09-28 14:59
刀無敵2009-09-28 15:54
Jim Lai 2009-09-23 04:28
刀無敵2009-09-23 09:04
風祭 將SHO 2009-09-22 04:27
刀劍笑我一路都想睇,不過未有機會由第一期睇返.....
睇黎要靠偉大祖國既網........XD
刀無敵2009-09-23 09:02
你好!除了祖國既網,好多畫坊都有得睇的,不過就要睇你有冇時間可以睇3百幾本.......
蒼蝿雞 2009-09-16 17:05
呢期霸刀裏內又慳得又慳~~
風位轉左做電腦做~睇落去都几順眼~
如果人架面相同仔細度好返d~
都可以忍下佢既~但故仔架野~就......
希望佢地有計改善下啦~~~
刀無敵2009-09-17 00:11
蒼蠅雞兄:好耐冇見喇!近來好嗎?
基本上只要係老馮出既畫我都會支持的.但再出刀劍笑就....唔係咁想囉......始終以老馮而家既狀態同而家既市道,應該做唔到當年咁好既成績.情況就好似叫球王比利出返黎踼世界杯咁.一定踼唔到以前既水準.經典都係留响大家心裡懷念好D!!!!
估唔到你都仲有睇霸刀.....近幾期都叫做好左小小,但都係唔係好掂......希望佢地遲d會再改好d啦......
Dannyfish 2009-09-16 09:20
可見對刀劍笑有著感情
無論版本
這樣的執著就堪稱完美了
刀無敵2009-09-17 00:14
TEST 2009-09-16 09:16
可見對刀劍笑有著感情
無論版本
這樣的執著就堪稱完美了
Jim Lai 2009-09-11 03:38
刀無敵2009-09-16 14:37
【武】(~港漫同學會~) 2009-08-29 00:46
刀無敵2009-08-29 20:56
【武】(~港漫同學會~) 2009-08-29 00:46
完美..不完美...完美...不完美....
原來你同我都一樣有呢種執著與掙扎.......
刀無敵2009-08-29 20:52
哈哈....我唔算係d執著要追求完美的人,今次純粹有感而發吧.......不過.....我真的好想可以擁有一套完美的刀劍笑呢!!!
笑三少 2009-08-26 11:44
無敵,收到你既留言,THANK YOU!
刀劍笑既我已經擁有喇,另外街霸雖然我都仲揾緊,不過呢套睇佢啲相好似係合訂本撈埋單行本為100期,對我嚟講就唔係咁想買,而且都唔算平,之前喺白田見過1-113期全套都係賣$400,所以都係再等等先,同埋而家最急切想揾齊既係中華英雄既修訂本1-45期同埋一啲單行本既散書,咁就可以有一套完整啲既經典喇.
笑三少 2009-08-19 18:40
300-307期硬皮特別版我都仲有留喺度,記得之前係見到三少同初一嗰個封面先買嚟睇既,而第二期名劍封面嗰本就好記得係周圍都冇得買,最後好彩地喺葵芳既舊書檔度揾到本二手,相信呢幾本書我都會一路保存,雖然嗰時嚟講個故事已經開始失控,不過毫無疑問"刀劍笑"係港漫既其中一本經典!
刀無敵2009-08-20 11:41
雖然老馮同亞劉二人最後決裂.但刀劍笑依套經典,除老馮既努力外,亞劉亦有唔小功勞的. 真希望二人能有再合作既機會(雖然機會真係好微好微.........)
雖然老馮而家既書唔係好掂,但都希望佢唔好放棄,可以再創高峰.