'08 Russiaの旅 ~ 20081121.5

Hermitage Museum (Part I)

Hermitage Museum (隱士蘆博物館, 又名:冬宮) 世界三大博物館之一, 博物館佔冬宮 及旁邊4個相連建築物 (小隱士蘆, 舊隱士蘆, 隱士蘆劇院 & 新隱士蘆), 分別於1754-1851年建成, 參觀所有400間大廳走路須要經過22公里, 目前博物館裡有差不多三百萬件收藏品 (如每一件收藏品看1分鐘, 每日看8小時, 要花上差不多15年!)

↓ (左上) 儲好件褸 比個牌你, no.168! (hehe!! 幾好, 一路發) / (右上) 先穿過高高的柱廊, 兩旁係gift shop同小食店 仲有電腦比你去search收藏品資料 / (左下) 走過長廊後, 先見到兩旁放了好多雕塑像 / (右下) 經過冬宮正門階梯後, 導遊帶我們來到這條長廊 放著的係各年代沙皇及家人的畫像

↑ 冬宮正門階梯, 白色加上金色 天花的壁畫, 加埋大理石柱及樓梯, 一進來就感到"好grand呀!", 連導遊的講解全部沒聽, 趕緊周圍拍照 (忘記一提, 進來Hermitage Museum影相要比$呀!)

↓ 在隱士蘆博物館內影出窗外風景 (左) 係影冬宮內的花園 / (右) 是影Neva River及聖彼得堡市

↑ ↓ 進去孔雀大廳前的大廳, 周圍有著不同的吊燈, 又有不同裝飾, 好似個皇位, 又有一間房幾個鐘 (導遊說在當時時鐘可算係新科技產品 <可唔可以講係而家嘅 '潮物' 呢!?>, 達官貴人才有機會擁有, 當想show比人知幾有$, 就會係一個房間內放好多個時鐘, 真係無必要係間房放成4個鐘!?), 仲有個好中國風的門柄 (龍爪/鳳爪加上超大紅寶石?! 當時中國的產品手藝及風格係十分有名及名貴!)