網誌分類：維妮吃喝玩樂 |
圖片
網誌日期：2009-11-18 14:37
維妮都玩咗單反差不多年幾, 真係覺得好好玩的, 由其係當影到一張自己覺得唔錯嘅相時, 會好開心的! 玩真係幾好玩的, 但我諗有好多女仔同維妮一樣, 覺得玩單反最庥煩的莫過於要揹一大個相機袋, 揹都不緊要, 最大問題係個相機袋, 基本上依家啲相機袋款式大部份都好男人的! 有時一個女仔揹住個噤男性化嘅袋出街又好似真係有啲格格不入, 有時維妮要揹相機出街, 真係要諗下有咩衫可以襯到一個噤男性化嘅袋!
但依家... 終於有個女性化嘅相機袋面世啦! 噤女性化嘅相機袋係canon聯同四位designer合作尊為女性而設嘅相機袋, 名為Voge 4 Sight! 呢四款相機袋其實維妮之前已經喺雜誌見過, 已經超級鍾意! 尋日維妮終於買咗啦! yeah ~ 
維妮買咗個由 LuLu Cheung設計嘅! 起初維妮以為呢個相機袋只係擺到部相機, 最多加多支鏡, 但返到屋企即刻放部相機同啲鏡頭落去試下, 真係睇佢唔出, 呢個袋係可以放到一部連鏡相機, 仲可以放多兩支鏡頭同埋其他相機accessories! 除此之外, 個袋係仲有位比妳放銀包, 電話....呢樣係維妮最buy嘅, 因為之前維妮如果要揹相機出街, 除咗要揹個相機袋之外, 仲要揹多個手袋, 真係好鬼庥煩的, 依家有咗呢個相機袋, 已經可以解決咗呢個問題啦!
維妮真係好鍾意呢個相機袋呀! 
提外話: 尋日維妮去到canon showroom試玩部500D, 新model真係新model, 比起維妮部絕版400D, 顏色又靚啲, 對焦又快啲! 攪到維妮心郁郁想upgrad tim!
kristinea 2009-11-26 11:53
「不可能」這個字詞，在聰明人的字典中是找不到的。
..................................................lerabarone 2009-11-24 07:06
Suki 2009-11-24 01:51
Suki 2009-11-24 01:51
丹丹 2009-11-22 09:19
JJ 2009-11-19 16:17
我都睇雜誌見到呢4款相機袋呀!!
係啦, 依家咁多女仔都玩相機, 應該出多d女性化相機袋呀!!
你呢個好靚呀, summer0岩晒!
西貢村妹 2009-11-19 15:09
寶寶@凱蕎 2009-11-18 17:47
維妮2009-11-19 09:22
係呀, 真係好正, 不論妳話個相機袋定係部500d