老爸....

又好耐無update了~
真係有d唔好意思~
以前d blog友呢排都懶左少少~
希望大家努力~

其實我都好少講及屋企人, 可能受老豆影響啦...
好多野都唔太表露出黎~
有時真係想關心下佢地,但係欲言又止......

講老爸先啦, 我真係好佩服佢.....
細個真係唔知佢係唔駛番工定咩.....
日日訓到忘朝八晏, 訓醒就飲啡,去機鋪打機, 篤波~
同學問我老豆做盛行我真係答唔到~

到大少少啦, 就知道佢係同人夾份攪公司~
不過又有一個疑問啦wo, 點解可以唔駛成日係公司架呢....

近十年就仲犀利, 因為鐘意釣魚,索性係大陸既魚棚搭左間屋仔~
已經無同我地住了~

一個人笑傲江湖,好聽就灑脫姐....
難為我阿媽了, 我知有d親戚朋友都有諗過/講過我媽媽真係犀利....
咁都忍到呢個咁既老公.....

唉,我又唔知點, 話哂呢d係佢地兩個人既事.....
我女友都話我屋企真係另類架~

我都好多謝我老豆, 可以養到我地咁大個~
有時又真係有少少羨慕佢, 大半世都嘻嘻哈哈......
好似無哂煩惱咁.....

不過希望佢唔好再飲咁多酒同食咁多煙啦
有番咁上下年紀就真係要keep啦.......

有機會講下我媽媽同我細佬~