不是老餅之脆皮奶皇月餅

脆皮奶皇月餅 ~近年比較多人喜歡嘅口味，雖然味道都唔錯，但係因為

佢嘅保質期實在太短喇 ( 唔襟擺 )~!!食嗰陣又要焗番熱先至好食，所以

呢個就係我唔多整呢款月餅嘅原因呢!!~~但係今次都整d d 咁多喇!!~ 費

事比人話我「老餅」呀!!~ 

講番呢款脆皮月餅先，由開始製作直至到出爐一刻，响整個過程中，所

花既時間都唔算多，就可以有得食，其實都幾適合一d又想自己整，但又

無咩時間嘅繁忙一族呢 ~~而奶皇餡我就唔多喜歡買現成嘅 ，所以寧願抽

少少時間自己整埋呢!!

< 自製奶皇饀 > 

 (隨個人口味製作)

材料：

麵粉      36g      ,     奶粉     36g

吉士粉   36g     ,    砂糖     60g

蛋黃     16g       ,   花奶     84g

煉奶     38g       ,    椰汁     96g

<做法>：

1.牛油座溶 備用。

2.花奶、煉奶、椰汁拌勻 備用。

3.麵粉、奶粉、吉士粉、砂糖混合過篩，

4.蛋黃打散加入(3)中，然後加入牛油溶液拌勻

5.最後再加入(2)拌勻，過篩。

6.倒入平碟，隔水蒸20分鐘，其間需每5分鐘拌勻一次。

7.蒸熟之後先放涼，然後再搓滑。

<備註>：

** 拌好的粉漿最後必須過篩才會更幼滑。**

** 如未能即時用的話，可先放入雪櫃，到用時再搓軟即可 **