Happy Sunday @ Cyperport

上個月因為唔得閒冇去到cyberport, 見到班blog友既相, 好似幾好玩咁, 所以今個月我地去左cyberport個openair~

平時澄澄12點幾就訓, 我地幫佢換定衫諗住俾佢訓先, 之後先帶佢出街, 點知, 隻衰妹唔知係咪知道換左衫就會去街街, 佢唔肯訓..... 我地拿拿聲食埋lunch就出去, 點知臨出門口前半個鐘, 澄澄先至訓左....... ><

去到地鐵站, 澄澄坐左起身lor... -___-" 佢平時中午訓到一個鐘以上, 佢今次訓左只有半個鐘咋, 隻衰豬一出街就特別興奮, 都唔知陣間入到去cyberport會唔會訓覺lor....

去到銅鑼灣, 等小巴入去, 好多人等車lor.....

入到去, 爸爸去買野飲, 媽媽就入場搵下班blog友們~~

好在今日仲係好熱, 有機會著姨姨買俾佢既靚靚裙仔~~ 不過真真真係好熱, 我地要呢埋o係d陰d既地方到~

真係多謝ball爸ball媽帶埋呢兩架野黎玩呀!!!! 真係好得意...

但... 澄澄成日都坐住一架攪另一架lor.....

澄澄唔知幾時識左個朋友仔lor..... 有個小朋友走黎推澄澄wor.... -____-"

爸爸將澄澄放左落梳化到同小波一齊玩, 澄澄緊係唔肯坐定定, 坐左起身, 不過佢都攪得人多喇, 今次俾小波攪番轉頭, 哈哈...

不過, 小波竟然o係光天化日底下空擊澄澄!!!

澄澄要還拖呀!

晚黑約左婆婆佢地o係紅磡食飯, 麻煩到ball爸車我地過去, 波仔未上車之前已經想訓想訓, 一上車就訓左, 澄澄就一開車就訓覺喇, 不過一落車就醒左. 食完飯, 去左吉吉島行下, 澄澄今日訓得好少, 但估唔到到左呢個時候, 佢都仲唔訓, 仲要愈黎愈興趣, 不斷o係到尖叫!!!!

見d衫平, 忍唔住又入貨, 買左d屋企著既衫, 又買左件出街既靚衫.

10點幾喇, 聽日又要返工, 等巴士再返到屋企要個幾鐘, 於是搭的士返屋企, 買衫慳慳埋埋d衫又使哂..... 不過早d返到屋企都好, 因為好攰呀.... 但係, 今日真係玩得好開心, 如果九龍區有d咁既地方玩就好喇~