二十世紀少年

"故事背景橫跨1960年至2010年，圍繞主角健次及一班同學，在童年時幻想與邪惡組織對抗，並寫下預言書拯救地球；三十年後，一名自稱為「朋友」的神秘人組織友民黨，並如預言書所言去拯救地球，若有人背叛「朋友」則被判為「絕交」，即時被殺害，而「朋友」所採用的符號，正是健次及他的朋友所用的一樣；究竟「朋友」的真正身份是甚麼？「朋友」所擁有的一本預言書會否跟健次的一本一模一樣呢 ? 這個懸謎八年來一直牽動著所有萬千漫畫迷…"

可能因為我冇睇過漫畫, 呢套戲要睇兩個半鐘頭真係有啲悶... 今次用咗大部分既時間嚟介紹返啲人物同埋個故事背景, 人物好多, 時空又穿插得厲害, 唔俾心機睇真係會亂同埋唔明...

林生好鐘意呢套漫畫, 佢覺得套戲好忠於原著, 睇得好開心~
(咁就好囉... 不枉我冒險陪你睇「不適合青少年及兒童觀看」既IIB級~ )

有兩個小小既驚喜位:

1. 班小朋友喺佢哋個秘密基地竟然聽bob dylan~

2. 演唱會入面個rock友係武田真治嚟架~ (雖然佢個妝化到成個高山青龍咁, 但我應該唔會認錯既~)

其實我都覺得ok緊張既~ 而且睇得第一集就預咗要睇埋第二同第三集~ 期待09年1月既續集~ kanna大個咗都幾靚女喎~
果少少血腥... 擰歪面當睇唔到算嘞...

ps: 如果未睇又會去睇, 完場記住聽埋啲歌等到最後, 有第二集既預告片睇呀~