2008年11月28日 聚會

菁姐陪我去買個間好香牛腩汁味既雲吞河加汁，十二蚊碗加熱奶茶四蚊，有七隻雲吞真係抵。不過D雲吞就麻麻我後尾都食唔晒，D湯就OK既但杯奶茶就唔得啦！下午去完銀行返到公司就上網，終於比我發現〈絶對禁藥〉係有第二三四五卷但就未完，唔怪得我睇到尾咁怪啦！不過因為佢仲連載中所以我轉睇第二部先〈碧落泉深〉希望好睇啦！今晚同爸爸〈阿痕〉咖喱菁姐阿YO去深水步新星海鮮酒家打邊爐，今日天氣咁凍真係啱晒，不過要七點先到，就算我五點半走人六點三度就到仲有九個字點消磨呢？唉~~最後我六點一先走，等LIFT時阿YO話就到，等車時咖喱話過緊去，所以我去到佢地都差唔多到，我地三個先入去，估唔到裝修又幾HIGH，我地叫左兩個冷盤〈海蜇青瓜同海蜇墨魚仔〉冇耐菁姐就到啦！再等我地叫埋個燉湯底同半打流沙包阿痕就到埋，終於齊人先叫材枓，個燉湯真係好正我地飲左兩碗，我同阿YO就不停話唔好偏食其實就特登比D對方唔鍾意食既野大家食，真搞笑！咖喱整直番個頭冇乜點變。我地叫左肥牛包心丸冬菇水餃西洋菜豆苗烏冬脆肉鯇黑豚肉炸腐皮等等….最煩係阿痕話自己有打邊爐榮譽，又話呢樣野烚幾耐就食得真係….結果梗係唔掂啦！佢係度扮晒野，我地仲話下次我地要分開爐打添~~~我同阿YO好衰仲成日笑咖喱，我地食到十點幾未埋單阿YO就走先，因為佢女友催佢，我地就話下次唔預佢哈哈。埋單五佰五十每人佰一蚊，阿痕簽咭咖喱比錢佢佢冇錢找就收少一蚊，我就即刻叫佢比番一蚊我咁先公平哈哈！我地仲話下次聚會由我負責不過都要一、二月先會啦！十二月大家都冇時間呢！之後就各自返家啦！返到家沖埋涼都係十一點幾睇多陣小說十二點幾就訓啦！