柬埔寨+越南自由行2009 (六)

DAY 2 (26/10/2009)

第三站: KBAL SPEAN高布斯濱 (水底浮雕)

唔行過 KBAL SPEAN 高布斯濱 都唔知自己身體好! 原來係香港行山係好幸福的事，出發前已經知道呢度係要行山路，但無想過想真係一條好原始的山路…攀山涉水的1500米…

點解要影呢D亂石???

因為我地就係行呢D石路上山...當然影下相留念啦!!!最恐怖個D唔記得影...但我會記得佢地的恐怖!

終於上到山啦...不過因為前幾日下過大雨，所以睇唔到全部水底浮雕，有少少缺憾...

無野睇，唯有下山啦...

行到好累啦...又係中午食飯時間，所以就係高布斯濱內的檔口用餐。

呢餐飯真係好貴...好貴...食左US 20，唔好誤會好豐富或者好大碟又或者極好味...完全"NO"啦!

不過因為行得好累，而且個太陽"好毒"，所以貪方便係呢度食!

有飯後果送，我食左2隻!當然啦...呢餐咁貴，食番2隻補數呀!

佢叫亞合，就係我地在柬埔寨的司機，佢有TUK TUK 同CAR，所以好方便，佢亞爺係中國人，佢識講國語同我地溝通無難度，佢好NICE，如果大家想去柬埔寨，我極力推薦佢做你的司機!

待續...