update update

上次Candy做完手術後都冇再update佢嘅近況 最近真係好忙 要照顧Candy 自己又要執埋d手尾 明日又要入院啦 今日update左先 如果唔係又要一段時間先可以再update啦

 

話咁快 Candy做完手術都有3星期啦 今次進展幾好 好過上一次呀

 

今次Candy一樣要困籠 佢好乖 冇嘈 冇扭計 自己坐o向個籠到

 

佢已經習慣左啦 放佢食飯或者wee wee完 佢都會自己返入籠 見佢悶時 佢就自己o向個籠到同d公仔玩 有時就算開左個門 佢都唔會出黎

 

而家佢一日要比佢行2次 每次5分鐘 因為怕佢又亂跑亂跳 所以都用狗帶拖住佢行 同埋日日同佢按摩下 伸展下d筋骨 而家佢行得好左好多呀 比第一次做完手術 好好多 雖然見佢行得有d吃力 真係好心痛 不過見佢一日一日咁進步 真係安樂晒

 

都唔知係第一次手術有問題呀 用錯size人造韌帶呀 佢自己整親定點 個效果唔好 不過算啦 最緊要係佢而家慢慢用4隻腳行番路

 

因為Candy有咬d繃帶 而佢又唔習慣帶collar 所以幫佢着件連身衫 等佢冇得咬 你睇Candy笑得幾開心 佢真係一隻樂天嘅狗 除左第一天佢比較攰之外 佢好似冇野發生過咁 心情好靚 成日笑

至於Honey 佢都好乖 成日陪Candy 佢一見Candy擒高 或者一出個籠就吠佢 好似叫佢唔好咁 所以之後幾日我唔o向屋企 都有Honey睇住佢 唔駛我擔心

 

以前Honey好唔鍾意着衫ga 一着就謝晒 唔開心 不過自從上年我生日幫佢扮靚靚之後 我d朋友係咁讚佢 佢而家好鍾意啦 着完衫 扎完辮 好開心 成日笑

 

今次都唔例外 佢見我同Candy着衫 佢係咁望住我 咁我咪又同着law 我覺得佢一來係貪靚 二來係呷醋 正一傻豬 咁熱都着

 

大家估唔到哩 Honey同Candy件衫係同一個size ga　一個係鬆身　一個係緊身ja ma  其實Honey同Candy大細差唔多 不過Honey就重過Candy 3磅有多啦 我已經好努力同佢減肥 只不過屋企人駛驚佢唔飽 係咁比野佢食 好彩而家天氣唔熱 可以日日同佢行啦

見Honey d 毛多到好似隻獅子咁 所以帶左佢都剪毛 不過剪完 都係

...

...

...

...

...

...

...

...

...

...

成係獅子咁

 

好啦 Candy同我都要加油 希望今次都係大家最後一次手術啦