2010山川越野挑戰賽

山川越野挑戰賽,是一個野外定向賽,在1月31日舉行。

以往參過2次 ,以前除定向外還需要玩一些智力遊戲、踏單車和執垃圾,曾經試過去大埔三門仔執15磅垃圾為之完成一個任務,當年有個朋友仔玩到爆晒粗口,因為他在家中是少爺仔,從未做過呢樣東西 !我聽到他不斷埋怨,真係幾好笑,出得來野外玩,損手爛腳預咗啦!

今次第3次玩,已沒有以前的遊戲,只有定向...定向和定向！

今年伙拍"花花"和"樹文"參加Mix隊,隊名"追峰花隊"!天氣19~22度,濕度85%,略為熱。

賽事在大帽山扶輪公園舉行,Part One先在"牛"指定的範圍內打晒地圖所顯示的Point,三位隊友可以分頭各自打Point,我和花花一組,樹文則獨自跑去較遠位置打,大會限時55分鐘內完成,我沒有計算打了幾耐,大概20分鐘左右我們打晒十幾個Point,然後去玩Part Two的真正野向定向,Part Two都幾"襟"玩,要睇GR座表,地點要準確,每到一Point後才知下一個GR座表目的地,呢樣就係定向吸引之處,你們一路跑但都不知道下一站在那裏或那裏是終點。

我們Total Time 用了3小時24分完成,獲Mix組"冠軍",快第2名約25分鐘。今年難度不算太高,為自己有一個Point粗心大意了,抄錯了少少GR,幸而觀察到其他組別的人去打Point,所以都可以搵返個重要Point,那個Point仲有雪條食添,正呀!!!! 但點解男子組有三條食,我們Mix組得一條呀??????

  有相為証,男子組真係嘆得佢地吖,仲有一個Point,諗住Win硬,所以慢慢嘆!

我鐘意玩隊際賽,因為覺得好有Team Spirit,互相合作的成功感好大,多謝倆位隊友!!!!!

2007年山川比賽日誌 http://hk.myblog.yahoo.com/thomas-home/article?mid=1452

追峰三隊,老師、老鬼、寶蓮,佢地Mix第9名

 Elton又獲男子組冠軍,但其餘兩位隊友"海濤"和"阿健"都走了!

阿青、阿徐和阿水的"追峰狙擊手"獲體驗組第7名!

下面是昔日的山川相片,有好多相識的朋友仔! 原來阿澤都玩過!