又與sisi在一起....騎呢~

工展會是我和sisi一年一度的節目，好似中學開始就一齊去...到而家，數落都有幾年喇，數年前的工展會，真的係一個好地方，很多工藝品，很多可愛東西賣，但近年已經變左做另一個美食節。雖然係咁，我同sisi都仲係keep住去，haha。

去工展之前，同sisi去左油麻地行街街，我買左紫龍晶同一粒粉晶，之前上網睇紫龍晶，靚得黎好貴，冇買到，今次見到呢條，價錢質素不錯，buy! sisi，我仲記得你之前送左條綠龍晶俾我ga~~hahahaha

sisi佢自己...身痕又買左野...唔好話你我引誘你，係你自己要買ge,呵呵，埋單仲貴過我，但我而家諗番條月亮石手鍊呀.....

之後殺上cwb，首先去左食...sisi最最最最想想想食既鯛魚燒，我地2個人share3個味，一人一啖咁~...sisi覺得好好味同好感動，我都覺好好食丫~then 我要食煎讓3寶,10蚊6隻,真係god damn it的貴,算...想食就食啦~....

之後就閃左去工展，買左佢目的的honey，我又跟住買，胎菊我買佢又買，夏威夷果仁我買佢又買，sisi你真係聽我話，呵呵

我地「仲2個人食左一隻鮑魚仔，又無啦啦食xo醬炒魷魚，年年唔明點解咁多人食但我地又年年到最後都會買黎食」copy from sisi blog,hahaha

由於工展冇咩野行，就閃左去citysuper，見到講到好誇張ge FIJI水，我身痕話不如買黎try下，sisi係我做騎呢野ge死黨，我地就買左一支$14.5的FIJI水(想知FIJI水係咩...睇http://www.fijiwater.hk/，or http://www.ecoland.com.hk/db/zh_hk/flower-show.asp?refno=204104 傳說中富豪成箱成箱咁入)，我地又一人一啖咁飲

UM...都係果句:講就天下無敵= =
佢係幾滑口ge,不過唔及另2個牌子，我只記得係JW萬豪同其他酒店飲過咁滑，價錢比呢個仲要平，我又test唔到佢有咩成份，um...這個有點吹過籠了。

sisi...你記唔記得我地係citysuper....買過一支好貴ge蘋果汁黎飲= =""，就係為左試下佢貴係邊，我地成日都做埋呢d騎呢野....真係好o咀....

我地真係可以成為無聊二人組.

******************

今日帶左holga去玩,但未影晒一筒film

仲有,目的已達到~呵呵呵