煩爆

今日去1130AIA同1610創興業績，但AIA我去到樓下，有攝記同我講cancel左，頂...有d人一早知，有d唔知ge就被人昆左去，一早就被人昆去呢d流野，真係勁嬲lor
AIA同人解釋，係法律問題唔可以開pc，咁樣唔係大晒...法律問題又會係朝早先知ge，咁樣真係浪費大家時間 lor，黑人憎。又冇人通知我，搞到我去左，真係頂，真係好攰呀。
最黑人憎係中間有咁多時間，屋企又番唔到，又大把時間，呢d時候真係覺得n個黑人憎，都唔知去邊好。
之後搵呀哥...食下飯，去佢屋企玩呀貓，同埋瞓一陣。

同呀貓玩真係會開心好多，佢好鐘意突擊我d腳指，俾我發現左，又會轉身好驚咁跳開，點解呀貓可以咁白痴 ^______^

之後我瞓左...呀貓搞我手指=_="，唔理佢，瞓瞓下又踩我隻腳，又係度索下我，又想玩突擊，我gut起身佢抱起佢，玩玩下，之後又係突擊，佢又被我發現，佢又走開，真係好玩都痺。

抱住佢，四目交投，真的很開心，很心甜。可是呀貓會"呼"我，哈~~~

知道自己唔開心，而玩貓可以開心，我之後有機會點都要養一隻。呵呵~~

時間好快過去左，又去左做業績。

今日唔多野做，但都搞呢搞路成11點15分先走到，丫!!!!!