漢和韓燒...任飲任食之(一)

前一晚, 隊長問二等兵: "二等兵你聽日晏畫想去邊度食呢?"

二等兵: "冇所謂呀, 你想呢?"

隊長陰陰濕濕: "韓燒?" <--- 見唔到隊長, 都聽到佢 d 口水流緊出黎~

二等兵: "咁有冇分時段架呢?"

隊長: "不如你打去問下?"

如是者, 2 mins 之後, 二等兵: "攪掂!!"

隊長: "你唔係 book 埋位 tim 呀?!"

二等兵奸笑: "梗係啦! 我辦事效率咁快!!"  

( 個心就諗: book 位之嘛, 等我黎, 埋單, 等你黎~~呵呵 )

$68/位 +1, 可以食到 4:00pm

本來被安排了坐在 12 人坐的最埋果張枱, 幸好未開始食時有卡位埋單, 可以舒舒服服坐卡位~

開頭梗係攞 d 熟食醫下肚先啦~~

好"膠" 既碗仔翅, 胡椒豬肚湯 & 人參雞湯, 除左碗仔翅之外, 隊長每款飲左兩碗~~

左上角呢個係金邊粉, 超好味, 白色呢個芽菜隊長勁鐘意食~

燒喇燒喇~~

酸梅湯都幾酸下, 不過食完一輪燒烤野, 酸酸地都幾醒胃。

豆漿好濃味, very good!!

隊長必食既炒飯 -_-..... d 雞翼麻麻地, 都係自己燒果 d 好正!!

你睇條多春魚燒得幾靚, hehe, 好味呢~ 後面件茄子都幾好味, 後尾要 encore~

魷魚酥都幾得!!

二等兵至愛, 什果沙律

呢幾舊魷魚仔0係度晒緊太陽??

超正的雞翼..... (二等兵本身係個雞翼怪......-_-)

四舊茄子俾二等兵清晒, hehe~ 皆因隊長話唔好食~~

二等兵呢一刻已經食唔落啦, 於是隊長就撓埋隻手等食 ><

(待續..................)