洪水橋奶茶王

前排香港搞左個奶茶王比賽，結果洪水橋既大發茶餐廳奪得冠軍。其實原來我一早就幫襯過幾次，話說未買樓前，一直心儀洪水橋既樓，再加上老婆既舅父就住在菁雅居，所以我地一游完水就走到哩間大發食野。果時真係有眼不識泰山，黎到只係叫紅豆冰飲，而間野仲冇乜人，坐得十分舒服。但宜家就唔同喇，尋日諗住去食個早餐，結果去到見到直情係人山人海，仲要有人座到出門口，簡直諗都冇諗過。我地當然有叫奶茶啦，其實好冇飲真就係睇人，我就真係覺得唔錯，但阿舅父就話普通到痺，可能佢飲左十幾年掛。最好笑係佢好唔滿意宜家出面個停車場成日都泊滿曬車，D人原來特登駕車入黎飲奶茶，搞到佢地一家都要行出黎食早餐。結果一向平靜既洪水橋特然熱鬧起來。

奶茶就真係唔錯，但專登黎飲既人就有D誇喇。其實洪水橋有間泰國菜都唔錯(當然唔係香辣屋呀下)。



原本諗住尋日出去打波，結果俾老婆捉去叫我同佢行街。但最後佢竟然在家訓覺，真係俾佢嬲死。工作上有少少改變，第日想打波反而仲難左，都係要珍惜哩個幾月既星期日了。