鎧甲聖鬥士 -- 烈火

鎧甲聖鬥士(鎧傳)原來係一套好多人忘記左既卡通片，問D同事知唔知係咩竟然冇一個記得，我老婆仲誇張，問我係咪叫機甲桃太郎(勁搞笑，唔好話功夫貓黨丫笨.....嘿嘿)。其實哩套野我成日都覺得係抄聖鬥士星矢既，不過係有五條茂利代表仁義禮智信咁，另外有幾個奸角又代表孝悌忠信咁(好似係)，我反而係鍾意佢果幾個奸角，又或者之後主角白色果件。其實都唔知放佢o係邊，又同D星矢格格不入，但都買住佢先。我真係冇我朋友對哩套野咁大癮。

仲有，以為佢好冷門，所以冇第一時間出去買。過左幾日之後，原本同事話旺角賣四百二(我覺得好貴，但開盒後有好多細件，都算係咁咯)，我去到竟然好多地方都賣清光，見到一間賣四百九，咁唯有行多幾個商場，結果都要四百四成交。唉，都好耐冇試過買貴貨了。

因為第一副出，可能我行過睇唔到掛。但我鍾意哩種盒多過聖衣神話果隻摺盒，因為好阻定....



便裝，面想好過神話D頭咁。活動性高，成日俾我扭黎扭去。



盔甲Look，真係官圖靚過實物的又一例證





最失敗最失敗就係兩把劍係入唔到落劍套度，上面果張相只係裝假狗咋....



最靚都係「聖衣座」(唔應該咁叫，但唔知叫乜好)，我叫佢做大便的鎧甲，哈哈....



試過諗住Download返套野睇，點知畫質極差，我都係放棄了，D Files 仲失埋踪tim.....