大開眼界

are u know wt is model maker  ???

嘩!!! 唔勁唔勁... 我哋只係眾多清兵裡面其中一員咋... 好似我哋哩d 水平真係一街都係....

或都出面真係有d 人會睇人哋唔起, 但我哋就一定唔會, 事關每個人都會有進步嘅過程, 梗有由初級到高級嘅階段, 一個時期嘅水平只係一個階段, 又有乜所謂睇得起睇唔起? 反而嗰d 因為自己打得好叻 (真係好得嗰d)而因為自己叻就睇人唔起, 我就真係睇佢哋唔起嘞. 正所謂打得叻又點?唔通食飯唔洗比錢? 咪又係人一個..... 或者叫佢哋試吓同稅局講 : 我打波好叻架喎, 可唔可以今年唔交稅呀?

特別係有d人 根本就唔得, 動作錯晒, 只係靠街童式熟練打瓜人, 全冇系統章法. 但因為打死一兩個甲乙組嘅就喺道鬼殺咁嘈. 嗰d 就最不之所謂. 要知道打得贏人唔代表真係打得好. 甲乙組都係地球人, 比佢哋亂 'back' 廿四點都會有時恰眼瞓而頂唔住.... 好似哩類人北河街大把, 亦係最井底....

係呀..黃老先生好好人, 佢set 波好定, 無論對方大力細力, 佢都可以平均返個回球速度比你, 我d 連續拉都喺同佢過住打嗰7,8年道練返黎... 不過今日我又喺道發夢, 打唔到質量出黎....可惜係黃老先生只係打上午, 哩排少咗撞到佢喇....

同我哋打最好嘅係玩乜都得. 計分, 多球練波, 滴滴仔, 甚至乎齋 hea 都得.. 唔好嘅地方係因為人緣好, 有時失驚無神會有好多人出現, 到時就會唔夠塲打, 個個企咗喺道吹水...

如蒙不棄, 我哋當然歡迎 Saga 兄你加入喇.....只要你星期日三點打後得閒都可以黎架....(不過今日黑仔咗d , 第一次3pm 冇塲) , 到時先按 Saga 兄你嘅須要簡以下嘅任何一個套餐喇.....

A.計分 (唔理輸贏, 只求 過引同 '轆'餐死 )

B.多球練波 (雖然未必可以練到打贏王皓, 但唔多唔少都會增進到d 技術或知識嘅... 就算之後真係打唔贏王皓, 到時點都應該可以打瓜好多 d 牙刷刷呀伯嘅...)

C.滴滴仔 ( 備有專人陪打滴滴仔, 超級無敵乒乓波之類...)

D.齋 hea (亦有專人陪打, 亂打亂拍, 乜都出齊...)

選擇係咪多過 百拉 超級市塲呢?