大話

雖然我另一半係唔會管我買野，佢話我好似買玩具咁，又唔係嫖賭飲吹，所以都由得我。但有時你都知，買一D貴野／無聊野此終都唔想佢知道幾錢，所以都係用慣用既做法............報細數！！！通常都報七成或一半。雖然佢有時都半信半疑，但都幾管用。唔通話俾佢聽買一張郵票用幾千蚊咩？佢實咬爆我個頭都似，哈哈。

平時其實都冇事，但今次有少少中招。話說我買下面的一條頸繩，係一條唔知乜野水溶鈦定乜鬼野，話戴左對健康好，又話精神好D、幫助呼吸咁.....其實我只係想買黎襯衫，又見佢Crossover Butterfly，隻色又幾靚咪買囉。價錢二百幾蚊，我同佢講話百零蚊到，起初都冇事。點知.........

到有一日佢返黎同我講，話見佢公司個上司又有一條，仲要係粗D既款，咁佢個阿姐又係講左D Functions俾佢聽，又話好貴，唔知四百幾蚊到。佢仲話你老公買得好抵，咁我另一半竟然話叫我幫佢買條返黎！我今次真係捉蟲入.........，好彩我最後都將話題引開，咁先避過一劫。

宜家諗返起，真係幾夠笑.......



襯黑色衫幾好睇的。