前幾日同呀有錢仔Paul少食Lunch，不嬲都知佢食埋D貴夾唔飽既野，而我地幾個人原本係去食"肥翠"拉麵既，但去到發覺要等位，所以就去左哩間野啦。
原本都冇諗住寫哩間野既，因為我地同事一致裁定唔會再黎哩間野，死因係....."貴"！佢又唔係唔好食，只係覺得唔值囉，一碗雲吞麵可以賣三十八蚊，但唔係好食到我心甘情願去放低錢喎。而我寫哩次既原因係我食完之後其中一個同事話哩既野就係大名鼎鼎既米芝蓮一星級食肆，所以先寫哩次食評。我都唔係次次都寫到間野好好，我都好中肯既......哈哈。
我食左.....裝修
我自己冇食雲吞麵(同事係咁話唔好食)，哩碗係叉燒伊麵，四十幾蚊，叉燒普通。
牛腩算OK
本人最欣賞係炸両
超細粒既雲吞，自己都係鍾意食沾仔記(未勁通賬以前，雲吞大大粒)...
桑寄生蛋茶
唔知點解有點心食，我地叫左兩籠流沙奶皇飽
雖然係咁，但有樣野值得一讚，就係服務啦。個個侍應都好有禮，比起一D出名的麵鋪哩度真係冇得比，出面有名的鋪頭好似唔怕冇生意咁，入去幫襯好似欠左佢咁。但點都好，米芝蓮唔係我杯茶，可能我窮底食開Cheap野掛，哈哈.....
IMG_0819.JPG
IMG_0818.JPG
IMG_0817.JPG
nedved 2009-02-19 23:22
講開雲吞面,我記得係佐敦見過有乒乓波咁大粒既雲吞,但唔記得間野個名,可惜....
38蚊腕雲吞面.....唉,我都唔知幾耐未食過30蚊以上既餐(老麥都係剛剛好30個幾.....)
SAGA2009-02-20 23:19
前幾年好多間都好興將雲吞整到鬼死咁大，但近年好似全部冇曬了，有你話我知o下。
SAGA 2009-02-19 00:05
Ta 2009-02-18 15:30
yee.....乜呢間唔係 "肥翠" 咩? IFC入面??
我都攪到亂晒, 如果係上面呢間, 我又覺得D野食唔錯喎, 服務一流, 但等位等左超過30分鐘 (平日lunch hours), 太side時間!!
D裝修幾靚呀, 但我一路食一路諗
, 上面D野唔會跌落黎卦.....
呢間都叫價錢OK.... I mean 如果同三聯書店隔離間 "忽園"比較!! 呢間野離晒大譜, 3個人中午飲茶食飯, 竟然埋單 $600!! 最弊係D野食完全不知所謂!!!
一碗雲吞麵賣三十八蚊? 食人隻車咩!!! 久唔久一次還可以, 日曰係咁仲得了??? 有冇食過 "麥x記" D雲吞面? 又係細碗但鬼咁貴, 我食過一次, 唔會再去....
SAGA2009-02-19 00:03
我同同事係星期六去，佢地仲講到今日呀....