檸檬茶

假如今年我要考會考，我一定揀答這一條：「檸檬茶」夠簡單。如果題目單單是三個字「檸檬茶」這樣簡單，而不帶任何條件的話，例如文體限制的話。

「檸檬茶」，最基本令我想起，它的材料，檸檬、荼。檸檬，有一陣清新香味。唔知道有冇人會隨之而想起，切開個檸檬，有皮，有肉，有核，究竟檸檬茶要的是檸檬的那一個部份呢﹖檸檬茶的另一部份，茶，用綠茶又係唔係檸檬茶呢﹖

閒時愛自己沖茶、咖啡。因為覺得自己沖，除了必要成本，最起碼都會平左人工。

沖檸檬茶，我會將檸檬切得有咁薄得咁薄，增加檸檬與茶接觸的表面面積，茶，要熱的，用紅茶多，綠茶都有試過。熱茶可以令到檸檬的香揮發出來。茶香加上檸檬香，空閒時可以慢慢歎。

至於要檸檬皮還是要檸檬肉，我就試過直接加檸檬汁落去杯茶，不但冇檸檬的香味，而且仲酸到........。另一次，因為怕皮上有防腐劑，所以刨皮沖檸茶，結果，又係不知所謂啦。記得睇書講，果皮上面會酯(ester)，有香味的。有煮食經驗的人，都應該知道，要煮有橙味的甜品，只會刨掉橙面層橙色的外皮，而不要內層白色的部份。檸檬荼的原理應該一樣吧，如果只刨了面一層黃色的外皮也會整出有檸檬香的茶。

睇過一篇講沖檸檬茶的文章，內容最令我記得的一個要點是，沖檸檬茶有人愛「督督督督」塊檸檬，但其實，令到杯茶更酸。