太耐無update了.........

又有一段時間無update blog了。

raymond係丹麥返來香港放假，今次都算係一個長假期，有兩星期，不過，今次既假期，陪佢既時間都唔係好多，佢都好忙，有好多人要見、好多活動要參加.............哈哈。所以我今個假期安排活動既策略係.............盡量可以安排到一大班朋友仔活動，咁樣佢就可以一次過見多d人；同埋安排一d佢好想玩既野，令佢覺我今次放假放得抵及好好玩。

所以，我開心可以同raymond跟一班同學同學去wild camp，笑足兩日，抵到爛，當中的笑料，有時諗返，都會回心微笑......

剛巧，今個假期，亦都係我倆踏入七周年的既日子，個日我地安排左中午去香蜜湖跟raymond的屋企人玩高卡車，晚上就同一班好好的朋友仔大漁大肉，我知佢係丹麥好掛住香港既食物，又知我之前去過一次之後，讚口不絕，所以之前應承過raymond，今次佢返來香港，我一定要帶佢去試；另外，我又知佢好想去玩高卡車，滿足埋佢喇，就係咁，就過左既充實又開心的一天。

送佢上機個一刻，都好唔捨得.......佢今年都唔會返香港，只可以我飛過去探佢，希望好快放假去探佢喇！