網誌分類：未分類 |
尋日睇完"case39"，套戲係講一個天生魔鬼轉生既女仔，可以透過人地害怕既野，令人產生幻覺，殺人於無形。
係故事入面個女主角就係因為收養左呢個女仔，身邊既人不斷死去，發覺呢個女仔係有問題，而個女仔知道女主角開始懷疑自己既時候就用幻覺去對付佢，女主角只有自己見到同感受呢d幻覺，所以其他既人都唔信佢，精神開始衰弱，到最後女主角克服自己心裏面害怕既野，戰勝惡魔。
係戲入面令我最深印既一幕，就係女主角感覺到衣櫃入面有野，打開一睇有個爛面人由衣櫃突然衝出黎，佢驚到走到出街外(爛面人追住佢)，但外面落緊雨只得等收工的巴士司機(坐係巴士入面)，佢即刻向司機求救，不斷拍門叫司機快d開門因為有野追住佢，佢好驚，但司機根本就睇唔到，反而覺得佢神經病，開門比佢入黎只係冷冷咁講話"根本無人追你"之後就叫佢落車開車走，呢一幕如果我係司機都會咁做，但如果我係女主角又真係好無助同好驚，唔知點算好。
雖然套戲唔算好好睇，但令我覺得幻覺真係一樣好恐怖既野，可以令人生不如死，如果有天大家見到人地好驚或者話睇到一d只有對方睇到既野，唔好太快否定，因為對方一定好無助，當然亦都唔好插手啦...hahahha!!
