20091108 無印一身輕

20091108 無印一身輕

吹水水多(口水同汗水呀), 年前買咗個號稱10M防水嘅印仔, 同大家都笈咗幾多印. 不過, 個印仔頂唔住要同除副正做1M深嘅吐露港“海上傍友”, 單面發黑, 就係咁, 相信都……, 好, 吹水點都同你討個公道.

所以呢, 呢兩個星期, 吹水乘機做其“無印一身輕”, 同豬朋馬友漫遊兼預備上馬. 幾十年喇, 吹水都無响11月索幾十K. 今日聽聞大尾篤半馬封路, 仲唔乘機又去黐下咩.

出貓同豬友講, 嘩, 竟然連吹水有11個福頭話由大埔入大尾篤喎, 腳程就各顧各.大佬基擺明車馬話見尾收腳, 於是3721, 無幾奈就領頭扯新華哥(如果唔係點叫大佬基), 漢哥年少力壯, 亦步亦趨. 苗圃四壯到尾前都四敬如賓. 大舊哥中途肚子澎湃洶湧, 漫漫長路, 吹水當然只可以留後啦.

大導竟然跟大佬基到尾就話要交魚喎. 早啊都話暫時夠皮. 道路漫見鹿頸長, 漢哥同新華哥開始難耐慢腳, 開始互片. 上周苗圃包尾嘅天山同老, 今日一雪前慢, 一到鹿頸, 馬不停蹄就大反撲, 拍住漢哥, 越抛越遠, 吹水就擦鞋為主, 傍住太子爺, 霸咗頭位睇人食半馬. 大舊哥落完新娘潭大斜, 後上孔夫子. 今日過30K.

雖然吹水無印可笈, 不過, 多得助導大帥同鐵姐, 一眾亦有印仔留念.

今日嘅香港半馬, 流星槌偉哥奪得分組冠軍, 菜軟就分組季軍為大埔地標菜攞個彩.

停車場內用舊印偷笈, 睇唔睇到邊個打邊個

味精濃正版代言人

漢哥, 天山同老拍住領先

除副正大大話腳痛, 不過就緊貼同老, 抛甩哂

護法太子, 落斜慢放, 吹水都睇尾燈.

孔夫子同大舊哥跟住.

停車場笈收工印

都係太子護法好嘢, 輕輕鬆鬆, 談笑間就 "奪" 咗冠軍嘅冠軍盃.