爸爸離港了

爸爸返咗嚟香港2個月... 今日又返過去喇...

我又一次好唔捨得...

平時習慣自己一個人... 感覺無咩嘢...

但係每一次阿爸阿媽返香港探我... 佢地一走我就會覺得好失落...

其實一家人喺埋一齊... 感覺唔會咁寂寞...

起碼無論咩事都有人支持你... 有人陪你食飯行街睇電視...

感覺已經好warm...

喺呢2個月入面... 我都無咩點出街...

基本上我唔會約朋友去街食飯...

好多時都留返d時間陪老豆... 同佢食吓飯... 傾吓計...

以前從來都唔做家務嘅老豆... 一返到嚟就同我汁屋...

煮飯洗衫... 清潔屋企... 同埋維修屋企...

雖然有時候老豆d脾氣好大... 不過我知道佢係好錫d仔女...

自從上次佢做完個大手術... 今次返到嚟香港...

我同老豆係多咗溝通...

以前佢係傳統嘅中國大男人... 但係依家喺仔女面前已經唔同咗...

琴晚我同老豆去咗旺角食飯... 之後仲同佢去咗尖沙咀行咗陣... 影吓相...

我知道佢係好開心我陪佢...

原本我諗住呢個假期可以同佢周圍去吓...

但係因為我要考試... 所以佢都係叫我留返喺屋企溫書...

佢好想我考到呢個試... 之後就可以搵過第2份工...

依家人大咗... 明白到最錫自己嘅人都係父母...