呢排打開份報紙，日日都話香港創作人抄呢個抄嗰個，唔係話《宮心計》抄日韓劇就係電影海報翻 dup西片，就連 MV都走唔甩個抄字，今次主角係啱啱夠 18歲嘅 G.E.M.（鄧紫棋），佢首新歌《 Game Over》嘅 MV，就被指抄襲美國青春偶像 Miley Cyrus嘅《 7 Things》 MV。

放大圖片

Miley嘅 MV有撕相鏡頭，港版嘅就撕衫（上圖），唔通表達分手僅此一招？

放大圖片

兩首歌嘅 MV都係女歌手喺隊 band前唱歌，背後又係淨色佈景，真係咁蹺？

神通廣大嘅網民就話兩隻歌 MV嘅構思激似，例如歌手企喺隊 band前面聲嘶力竭咁唱，畫面上不斷插入唔同女仔嘅樣，又喊又鬧，之後又成棚人一齊扭身扭勢，就連背景都好似，難怪網民抄抄聲啦！查實兩首歌內容都幾似，都係講撇仔，所以 MV畫面都有女仔撕爛嘢，表達同男友 game over嘅意思， Miley Cyrus嗰首就係撕爛相、 G.E.M.嗰首就係搣爛衫，真係七成似。不過唔少網民力撐，話好多 MV都係有隊 band喺後面伴奏、中間不斷有其他插入，所以似並唔奇，有心水清網民仲 post咗首美國樂隊 The Fray嘅 hit歌《 How To Save A Life》 MV，都係用呢幾招，仲話覺得 Miley Cyrus係抄 The Fray㖭！另外， G.E.M.噚日去新城宣傳新碟《 18》，今次新碟會推出特別版，包括有寫真集同佢親自撰寫嘅文章等，自從鄧麗欣出書錯字百出後，藝人寫文章都特別小心， G.E.M.都唔例外，佢話完成後立即攞去校對，但係當中都有少少出錯，不過唔係咁大問題。Miley Cyrus《 7 Things》http://www.youtube.com/watch?v=bU1514VkDkcG.E.M.《 Game Over》http://www.youtube.com/watch?v=uCIoAwJ_5AoThe Fray《 How To Save A Life》http://www.youtube.com/watch?v=mjjHt3sG5Zg


G.E.M.新歌 MV成班喺愛情路得到重生嘅女仔一齊扭身扭勢，被指跟 Miley Cyrus MV極度相似。

鄧紫棋要性感不要leggings

鄧紫棋（G.E.M.）昨日出席新城訪問，她表示新碟於上周推出，八千張附送寫真集的特別版之前已有不少人預購，市面剩餘貨量不多。

近日G.E.M.正忙着為本月二十日一連三場的演唱會排舞及練歌，每日至少跳舞四小時。服裝可會性感？她笑言：「啲衫我未見過，但我有講唔要着Tube-top咁封實晒，有跳舞部分應該有少少性感嘅。」但最抵死是G.E.M.的目標是不用再穿leggings，因她不時被同事取笑一出世就着住條leggings了。

【明報專訊】G.E.M.（鄧紫棋）昨到港台宣傳新碟，她表示其寫真集特別版預售情理想，限量8000本已供不應求，Fans透過網站表示買不到，預訂的仍未收到貨。至於會否加印，G.E.M.說：「知道有些仍未包裝好，現在只推出一部分應付。」下次寫真會再激些？「今次已有泳衣，不過是小時候的，內容比較生活化。」當中有否寫文字？「有幾句，其中有句笑容變成笑言，是同事打錯字，不過都叫講得通的。」沒有汲取鄧麗欣早前出書的教訓？「有再校對的，只是頁數次序有錯，有些地方看不到。」

記者：梁榮達