做不完的家務

結完婚第一大挑戰...
無疑是做家務,
對於我做女時完全唔使做的更甚...



一放工,
買餸&日用品,煮飯餸,煲水,洗衫,摺衫,吸塵,拖地,執屋,植物換水....
講都氣咳


唔係講笑,
這是我婚後最初的幾個星期所過的生活,
我當時只有一個想法:
我好似以前舊金山嘅工人

即係俾人『握』左黎做苦工.....
好淒涼
（實況:ＨUBBY的公司唔係人咁品,做到好夜,好多時十一點先開飯呢)



我一怒之下真係好想逃返家鄉,
好彩,
我仲識搵人告狀...係訴苦
搵人傾下再加埋記起婚前輔導提過,
引起（家庭）悲劇好大的原因是沒有選擇,
『感覺被迫埋牆角』

呢種感覺亦損害了大家的感情


係一次又洗衫又收衫又掛衫又摺衫的工序中
我再一次覺得好唔開心

同時又想起自己,
有得選擇！
『唔想做咪唔好做囉！！做咩喞！！！』

條氣又順番喎
（唔惡唔得嘅）

就係咁,
我做番一個快樂嘅賓賓
同埋我亦都發現番我也有一個其實都好照顧我嘅賓賓
改變係因為我有得選擇
所以我亦有空間,
亦令到我地嘅關係有空間