唔知信邊個？

話說當年中東未發現石油以前，依家亞丁灣佈滿海盜。時至今日，石油帶擘班友，咁正常人都會諗佢咁有錢，應該會發財立品至啱，點知杜拜政府竟然會宣佈話唔擔保杜拜世界債務！匯豐銀行遲至昨日出嚟澄清話自己無事，但係中東股市就跌到唔清唔楚！雖然股市暫時回穩，我會覺得中東債務所引發係一個誠信問題：你唔知自己荷包有幾錢就去做買賣，輸咗又唔認數，咁個遊戲應該點樣玩落去？歐洲及美國估計會係今次嘅大輸家，而為咗今次事件，可能會在年結即12月底前催賬，亦意味市場已經準備套現。大家唔可以為蠅頭小利放棄保本。未來為填補資源，加息及加稅會係我個人對政府明年經濟嘅預期。

短期可能因為中東會以黃金套現去減債，黃金可能下跌至950至1,000美元1盎司。但由於黃金有資金避險作用，加上各國央行濫發鈔票，我個人會傾向於1,000美元樓下慢慢入黃金。短期內各國央行唔會敢在市場抽取資金，唔係就真係唔使到聖誕就要唱：阿野露也！

純屬個人意見，僅供參考！