逃不了

日前，與呀頭既心腹，外出工幹。

辦完事後，心腹見仲有時間，就請左我去星巴克。
邊飲邊傾。

傾乜？都離唔開工作。
（我可是呀頭重點培訓既人呢。）

對話內容，我提到好多公司產生出既問題。
而心腹就同我既想法，都相同。
大家都覺得公司現況，係出現我所說既問題。


對我黎講，心腹可能年紀大了，過多幾年就退休。呀頭都叫過佢，將部份手頭既工作，交比我。心腹早已認定，唔交比我，就別無他選。（因為，係我未來呢間公司之前，已經試過。）


講到公司現況，我相信，絕對有『鬼』！
好多事發生出黎，我個人覺得係『鬼』做既。
鬼明整蠱呀頭。
我認為，公司唔見貨、客人接到既貨當中，有次貨。全部都係鬼做既！

心腹都覺得係。估計，呀頭都知，只係無辦法對付。

而我，就繼續說出，應付方法。
同埋，公司既現有小圖子文化太強，管工權力過大。呀頭視而不見，令到好多真心做野既，受到管工欺壓。
呢個情況，導致呀頭無良才可用。好多事，管工玩野，呀頭就無曬辦法。

還有各種官階問題，工種定位並唔明確。一個工人，做既野，可能過高。而技工做既野，又可能太過低。

還有種種失衡現象，令到員工無心工作。最多，只會用心搞關系。


心腹都好認同。

我就繼續講到，解決既方法。
先搞掂眼前，問題要分輕重緩急。
先解決當前，捉鬼為先！
再將鬼既圖子、勢力減弱。
分好工作層面，令名人只雖做好自己本份。

方法我亦一一說出。
由於方法從來都有好多，最緊要明白方向！

而最大問題，係大家都唔知道呀頭既方向。
一時，又好睇八婆既說話。個八婆又成日玩九呀頭。
我一睇就知。佢唔係鬼，邊個係！



就係咁……講下又講下……

心腹就讚我，有晒方法！絕對可行，同方法全面。
下次搵埋呀頭，三個一齊傾下。


其實，心腹都唔係第一次話要三個一齊傾架啦。

我都係同一個回應：『我講晒比你聽，你去講咪得羅。』

只係…
不過…
今次既感覺，心腹好似同之前唔同。好似認真想三個一齊傾。
我呢個懶人，唔通真係逃不過？