偷橋？

上星期，同呀頭心腹講開工作既野。
當中，我都講左其中幾個方法。
之後，心腹就話，搵個機會，我、呀頭、佢，三個人傾下。

我心諗，係先算啦。加上，都知知地心腹既性格。
我一如以往咁答『都講左比你知啦。你講咪得羅。』


跟住，今日開工，發現左d野。
見到，另一個上級（當然唔夠呀頭大啦），做緊一樣野，好似係我同心腹講過既方法。不過，就做得唔夠全面。
哈，因為，當時我同心腹講，都只係重點，細節野，我當時無慢慢講清楚。

其實……細節野無做到，效果差好遠好遠呢……



另外，仲記得上年，已經有老前輩同我講：
『你呀！小心d個心腹呀！佢好奸架，你有咩橋話佢知，佢就偷晒你d橋。仲有，佢成日收埋d野，唔外傳架。人都就快退休，都唔肯放手……』

我當時：『哈…係咩…哈』（呢種情況，我一向都唔會加言之有物既回應，咁樣，往往都可另對話，快快畫上句號。）


類似說話，都唔止一個同我講過。連呀頭都同心腹講，『d野，係時候交比人啦。咁交比XX（清爺）lu 喎。』
心腹『哦、好呀。』



在我立場，心腹都唔係無想過交比其他人，只係呀頭之前建議過既，心腹會回應『佢唔得架，真係唔好。』
哈哈，只有我先話好……呵呵。

不過，偷唔偷橋，無所謂啦。佢都做到差唔多啦。豪比佢無問題，加上橋我大把。哈哈。專敬下佢啦。

只係…好多時呀頭都唔知原來係我諗既……所以無問返我細節，往往出黎既效果，變成有距離。有時，我見到都覺得可惜。