好唔明白

其實，我真係有好多野唔明白。
但過去一直都無係到寫過。

而過去寫既，都比較單方面。


首先，呀頭對我，真係幾好。起碼我覺得係。

但係，如果從平常心去睇佢既工作……
我會有好多野唔明白。

例如，佢喜用奸臣，重用八婆。
明明奸臣不斷帶來麻煩，明明八婆成日搞出大頭佛，玩到呀頭，頭都大。

究竟係…呀頭明知道，但無辦法？
還是…呀頭有咩痛腳？

我眼睇住班真係做野既新、舊同事，都比班玩圈子派，搞到無心工作。
我眼睇住玩忠臣，一次又一次為呀頭辦事，換來只係私下既唔該。
我眼睇住在開會期間，八婆、奸臣面前，忠臣並無做錯，但被八婆說成做錯，而呀頭並無持平，反過來站在忠臣身邊。
我眼睇住各忠臣含恨既樣。


有好多好多既事，呀頭明明就知道。但明知，都由得佢地玩弄辦公室政治。

我而家睇，真係為公司好，而真係做野既人，一個一個心淡，一個一個退下來。


唔明白既野，真係有好多。
不過，我開始諗緊。

呀頭對我都幾好，唔通？？？

唔通？？？我係奸臣？？？
自我檢討下......orz