行動(探子)報告(2)

交功課？

正式理行呀頭比我既新任務(探子)，都未足兩個星期。

呀頭已經走黎問我。

『點呀？QA果到，有無睇到d咩？』

我『哈，你咁快問我既？你比多少少時間我啦。』

其實，呢段時間，我都有少少筆記。
亦都有大量既想法。


但係……
自從做左呢個密探任務。內心不斷反思。
任務性質，先係幾位犯錯老前輩，被調走。
跟住，就由我頂上。
係從無內應，無人知既情況下，睇下有咩地方出錯，加以改善。
達到減少錯誤，同加強保障，保障服務質素，保障公司，保住份工。

其實……
我一向都唔介意做特別任務。
加上，我都覺得，呀頭都幾慘，好多時，真係搵個似樣既人幫手都無。

不過……
我既職位，其實只係班工人之上。
但當任務，往往會越級。(先唔講我班同級，同上級既能力，導致呀頭無常任命於我)
而我越級，到時同級、上級，都會為難我。

講得太遠……

講返呢次任務。
我好快就睇到，出左問題。
不過，真係唔知報唔報告好？
如果我報告出黎，好明顯，會受到極大既攻擊。因為，就好似指明其他管工唔識野。
但呢個漏洞，唔搞好。將來可能……


其他問題，如工作上，好多野都出現人為問題。
太過鬆。所有既單據，其實可以話無人睇。
個個唔睇，就簽名。
但真係將系統收得緊，大家工作，就會變得煩瑣。

同時，又會對大家唔住。


我諗…
每個部門，可能都應該存有漏洞。


阻力真係好大。
除左辦公室政治之外。
全公司九十幾人。平均年齡，達到五十幾。
佢地既對工作系統上既思想，真係好落後。
做任何野，都只係方便自己。從無諗過出面世界唔同左。好多野都有責任同要交代。



有好多野，真係唔知同唔同呀頭講好？
大概，無乜上司，鍾意聽是非。而衡量是非，又好難定。

或許，唔應該講太多，始終，伴君如伴虎。
但唔講既話，句句小心，當中又會有唔忍心見到呀頭好似好無助。

而我同呀頭之間，職級還有幾層人。。。


講唔講清楚好？
呢期成日諗返起『鹿鼎記』。
希望，能夠從韋小寶當中，找到答案。