我既影響力…

有時做野，對住班C奶，真係唔知覺乜好。

我仲記得，一年前，我初初黎到，有D C奶會借頭借路抽我水。（摸下我隻手遮）
（仲會話，下？乜係你隻手黎架？）
（我到現在，都好唔鍾意既係……有意無意咁，搵波頂我！！！我諗，同年齡差距有關。接受唔到……）


有時，我做做下野，就會覺得比人望住。
差唔多每次望過去，都真係有C奶 or 呀婆望住我。
試過好幾次，真係想笑出黎。
唔黎我有無叫佢地做野，佢地都手停晒，眼碌碌咁望住我。真係好似唔洗做野咁。

（至於佢地，成日查我家宅，又話我點溫柔，想介紹女仔比我。。。）
（聽得太多，我次次既回答都係『工作既我，唔係平時既我。』）

又試過，佢地會係好遠既工作地方，遠距離咁樣，對住我，一邊跳舞、一邊向我揮手。
（仲要好興奮咁）


今日，有個情況，比較特別。。。


我同一個C奶，岩岩返黎，準備開工。
我就戴口罩，個C奶就眼定定咁望住我。
同一時間，佢拿起口罩。
跟住……
佢戴左上眼到。
（唔通，我會影響到佢地工作？）
（作為一個上司，見到下屬輕鬆工作，係一件開心既事。。。不過，會唔會輕鬆過頭？）
（哈哈。開心就好了。）



※母親節啦。岩岩，親手幫呀媽剪左個靚髮。哈~