玩轉台北

4月28日星期六我地出發到台北旅行. 8:00am 到達香港機場, 攞機票, 辦入台証 ~ 但最終我地都要辦落地簽證, 因為老公個姓電腦無, 所以網上登記時錯咗個姓, 無得係機場攞......雖然落地簽證都好快, 但當地的職員真係好惡....猛吹我地要快......

Day 1 上機啦...向台北出發

今次我地住台北四季飯店~ King Size Double Bed ~

Massage bath .... 正

下午到達台北, 立即開始我地的行程~淡水- 漁人碼頭

大大雞排我鍾意食....陳大小姐推介的, 我又豈能錯過?!

如果爸爸識影相~ 媽媽就唔會濛茶茶啦

淡水老街

大家咪以為呢d係午餐或晚餐, 其實係四季飯店送的早餐~ 有日式,美式,中式...任君選擇, 我樣樣試過啦...真係好好食最好味係牛肉麵

Day 2 ~ 我地乘捷運到木柵動物園

Honey 小心呀咬到來啦!!

嗚....食肉世界.........血呀

這裡的動物都好活潑, 唔似香港的呆呆笨笨......仔仔最開心係見到長頸鹿, 真係有5,6層樓高架

 
寶貝仔,你終於成功逃離儉境....

去完動物園約3:00pm~返回飯店休息下, 浸一個按摩浴. 夜晚再作戰.

去市政府站~華立威秀, 101, 新光, 誠品...走下逛下....然後再到上閣屋食自在餐.....yummy(記得要早兩星期前定座啊)

銅像哥哥我個仔好想問你, 你係唔係周杰侖?.....出聲啦....@_@

Day 3 ~用了$700台幣一人join了local tour~ 行程~先去維格買鳳梨穌~睇士兵哥哥操兵~去睇茶道(買一包二包綠茶~返香港都唔知會唔會沖)~然後去9份(食咗個浪漫的lunch)~又然後去野柳(又買了一包二包....)    雖然這是個半日行程, 但都節目不錯.

如果兵哥哥好似你咁操法, 我諗實會聽執包服

九份~又叫悲情城市.....因為此地每日都是很大霧, 灰沉沉, 沒有陽光, 生活在這裡的人都顯得很悲情似的, 所以叫~悲情城市

此外, 由於梁朝偉拍了一套電影叫悲情城市亦於此地拍攝而聞名......最搞笑係導遊叫我地唔好睇嗰套....因為睇完會頭痛

好開心能夠在九份這裡食到這麼浪漫的lunch, 這間食店最吸引之處當然是能飽覽九份的風景, 還有店內歐陸的佈置和柔揚的音樂. 食店的老闆是對年老的夫婦, 當我們一踏進店內, 老闆便給仔仔一個望遠鏡....(真好這樣一來我同老公就可好好享受啦!), 此外更欣賞老闆懂享受人生, 在這個悲情城市, 開這間浪漫的食店.....

跟著, 我地去到野柳......這裡著名的是女皇頭, 是個長年被海浪沖蝕所做成的自然現象...還有像木屐, 大象....

Local Tour 半日遊在5:30pm完結, 隨後車我地返飯店, 導遊好好呀, 佢用身體擋著往來的車子讓我地可安全到飯店......休息一會, 再到西門丁玩......佢地原來好興玩射籃球的game鬥高分, 還可以連上網絡全國比賽.....如果香港係咁就好啦......年輕人唔使游手好閑

Day 4 ~ 係最後一日的行程, 我地抓緊時間, 早上去市政府站的誠品~我地方頭行事, 老公去掃書, 我同仔仔到探索館玩. 呢個館好得, 好玩....真係俊俊話~比3個鐘我嫌少....媽媽話~比多半個鍾我都嫌多!!@_@.....

最終, 兩仔爺笑住咁出來.....媽媽就.....@_@