網誌分類：寫我心情 |
呢一刻我真係覺得好攰... 無論身心都好攰...! 周身骨痛, 條頸好酸痛呀... 好似比人打左一身咁... 其實我相信如果我而家即刻撻落床, 我一定可以立刻瞓著... 不過我仲有好多野未做, 仲要涼都未沖... 唉...!
今日好灰, 原本以為自己可以安然無恙咁渡過一日, 準時放工, 點知... 臨放工接左一個complaint case, follow up都已經做左我兩個鐘, 我仲要趕住去同表姨食飯wor... 我未做晒d野就走... 咁我又唔係無責任感既, 最基本要做既我都做埋先, 只係有d好details要寫去report既野我未寫... 如果我打埋先走, 起碼都九點幾... 真係人都癲呀...! 我聽日仲要同其他部門溝通做 follow up wor... 好慘情呀...! 根本呢個case同我做既 product都無咩關係既... 只係個客人話要complaint, 我就要幫佢跟進... 我只可以埋怨自己黑仔囉...! (其實都好過上個月好多架喇, 我應該心足.... )
表姨約左成班兄弟姊妹去旺角食飯, 傾下佢結婚既野, 順便大家見下面... ! 我去到已經成隻死狗咁, 好眼瞓, 完全呆晒, 好無精神...! 或者因為太concentrate嚮隻case, 而且不斷係咁做, 所以好費神...! 我連半碗飯都食唔晒... 不過可能因為有超多餸卦... 我覺得好飽...! 食完野陪表姨去換d野, 我自己又去辦埋小小事, 咁就返屋企喇, 返到嚟都成十一點幾...! 我已經掙唔大隻眼...! 不過我check email見到有blog友既回覆, 所以咪乖乖地寫 blog囉... 因為我都知道自己好懶, 好耐無update喇... 其實我都真係內疚架...! 因為我知道有朋友真係會定時睇下我有無新網誌... 我唔想令人失望, 唔想辜負佢地呢...!
其實我最近心情真係好差... 工作上壓力又大, 自己既私人事又處理得唔好...! 我根本分唔到心去安排好自己其他要做既事...! 工作上講完, 講下私人事喇... 我同 T先生... 其實, 我都真係唔知想點... 放棄咩, 我真係唔想, 因為我鍾意佢嘛...! 但係我知道佢根本唔會為我而改變佢既性格, 佢一樣係無交帶, 一樣係令我無安全感... 佢覺得所有事都理所當然, 佢覺得改變會令自己好辛苦, 所以決定做返自己... 但佢唔會想過為另一個人去調節自己既生活方式, 令到大家相處得更好...! 自問已經係一個好包容既人... 我甚至為佢做既所有事都搵埋藉口... 但點解佢唔為我做多小小...! 可能佢唔夠愛我卦... 或者未到愛呢個地步喇, 畢竟我同佢... 只係曖昧既關係而並非男女朋友...! 佢做既事, 有時真係令我好灰心...
有時候我會諗... 自己又唔係無人追, 做咩要令自己咁慘... 要去被一個男人牽住走, 點解我唔選擇被愛, 而要去做愛人多D果個呢...? 咁咪只係辛苦自己...! 明明可以做公主, 而家攪到係工人咁... 為左咩?? 或者呢D就係愛同唔愛既分別喇...! 一個男人就算捧到你上天, 當你皇后咁看待都好, 無感覺就係無, 有D野真係無得去迫...! 不過最近我多左同朋友食飯... 而家既我, 無再狠狠地去reject人... (當然講緊既係男性朋友喇...) 我咁並唔係話故意去做呢d野想 T先生緊張我... 因為我唔覺得佢會在意...! 我只係想有返個正常既社交圈子... 試下同唔同既人相處, 可能我有唔同既體會...! 我再次感受到, 原來被寵愛, 真係開心既... 至少別人對你有好感, 佢都會想盡辦法去博取你既歡心, 事事以你為先...同而家我不斷咁去愛人係好唔同架...! 無論我做幾多幾多既野, 佢都唔會有改變... 佢唔在意我既感受... 有d事佢明知做左我會唔開心, 佢明知我緊張, 但佢偏偏唔願意為你調節... 有時候真係覺得自己犯賤...! 我知道 T先生需要私人時間同空間, 咁我咪比佢囉... 而家佢喜歡點就點... 而我呢一刻都有d攰, 唔想再去爭吵亦唔知再比d咩反應佢... 咪唯有自己靜靜地囉...! 唔好攪到自己咁cheap咁煩, 我無再好似之前咁收到佢sms好似中獎咁, 仲要即刻覆, 亦盡量令自己唔好太在意佢打唔打比我... 我明白自己嚮佢心入面既份量有幾多, 所以亦無謂有太多既苛求喇...!
我要relax, 放鬆下自己, 得閒約下朋友咪幾好... 我人生並唔係得佢一個人嘛. 我要對自己好d呀...! 幸福係嚮自己手上架... 自己都唔懂得愛惜自己, 又點會有人愛你呢... 我要好好參透呢個道理...! 講真呀, 我又唔係籮底橙賣剩蔗, 呢一刻我都有幾個人追... 只係佢地唔合條件或者唔啱我眼緣jer... 事實上我唔係得唯一一個選擇...! 要對自己好d... 我要加油令自己開心呀...!
◆MASHA & MARIA◆ 2010-01-03 15:51
我相信你已"復原"了不少.....
只要再加多一點點時間.......
再比D時間自己吧 !
時間可以復原一切的傷口.
祝你早日康復!
hiendesai 2010-01-03 12:14
未來屬於那些相信他們美好夢想的人。
....................................................................................................◆MASHA & MARIA◆ 2010-01-02 18:50
唔好意思 ! 看了你的分享..........
你付出了太多時間和精力了. 看來好似沒有甚麼回報.
比多些時間自己吧 !
他要空間, 但你更加要空間 !
(雖然這是發生了很久.....希望你現在已復原)
祝你生活愉快! 主佑平安 !
陳小姐2010-01-02 23:05
的而且確我真係覺得好攰呀... 有時個心都會希望自己既MR RIGHT快D出現, 咁我就唔駛再為呢個人付出我既愛同時間心機...! 我係一個好難去真正愛上人既人, 即使而家身邊有好多人對我好好, 我只係覺得感動囉, 但真係放唔到感情落去, 我覺得好辛苦呀...! 尋晚無無聊聊睇返同T先生既相, 我又嚮度喊喇... 我真係忍唔住... 果刻覺得自己好LONELY...
我尋晚先由台灣返嚟, 我好想自己一個人去旅行可以忘記香港既人同事, 希望自己返嚟可以重新振作... 但係我真係唔OK呀... 我諗我要更多既時間先可以企返起身...
廚房男 2009-12-23 10:43
陳小姐2010-01-01 23:12
群芷 2009-12-19 18:43
陳小姐2010-01-01 23:13
藍blueberry莓 2009-12-13 20:32
陳小姐2009-12-16 19:19
thanks dear... 有朋友既支持, 我心情好快會好架喇!
judsonjenney 2009-12-01 08:32
陳小姐2009-12-02 01:39
你講得啱呀, 雖然我既過去係唔開心, 因為自己既白痴天真遇人不淑而有過唔開心既經歷, 但呢D都係我過去既一部份呀, 所以我無悔無愧之前所選擇既...
之前既我好盲目... 好多時都為左一D野而令自己成個人既生活節奏亂晒, 無自我, 無生活...! 所有事都停頓左咁... 但而家唔同左喇, 我日日都過得充實, 大把野等住我去完成, 大把人要見, 根本無時間去胡思亂想...
同埋, 我對自己既理想仍然有期望, 我知道自己要求係高, 係難達到, 但我相信人生有希望, 只要自己有堅持, 終有一日我會得到我想要既野, 我相信我可以...! 同埋我既堅持並無白費...!
mango 2009-11-29 21:17
愛與被愛都沒錯，只是沒有事情是perfect 的。我認同你的想法因該把自己放在第一位，要把握自己的幸福，人生短短數十年很快就會過，最重要是過一個不后悔又有意思的人生。
陳小姐2009-12-02 01:34
係喇, 其實有時我明知有d野係錯既, 我都會由自己去做... 即係好似 T先生咁, 嚮某d位佢令我有懷疑, 佢令我心淡, 但我都會由自己繼續去愛, 儘管身邊幾多人比意見我, 幾多人睇淡我同佢無發展都好喇, 我都無後悔, 亦無怨, 因為呢條係我揀既路...! 我成日都講, 就算明知前面係死路一條, 我都要死得轟轟烈烈...! 係咪好變態呀我...! 不過我就係一個咁既人...!
當然而家我叻左喇, 愛還愛, 都要有個限度既, 有時都要醒下... 唔通下下都比人做主導果個咩, 自己都仲有選擇既權利呀...! 重要既係, 唔好為左一個連自己身份都未確定既人而抹煞其他既機會...! 我enjoy 同T先生相處既時間既... 但唔一齊既時候, 即使佢唔搵我, 我都有調節自己, 唔好比自己因為佢咁而癲... 因為唔值架...! 佢唔搵我唔重視我唔係我錯, 做咩要令自己咁慘呢, 所以日後我會對自己好D架喇...! 放心喇..!
晴晴 2009-11-29 16:45
陳小姐2009-11-30 18:22
點解既...? 係個樣似, 定係D想法, 做既野似呀...?? 定係我有種令你想好似女兒咁想去關心既感覺比到你呢..?
不過點都好喇, 似我既唔好處係嚮某D位, 個人太坦白太天真喇, 完全唔識PROTECT自己既... 所以呢... 要教個女醒D, 千萬唔好好似我咁... 我一對住D心儀既人就失去理智架喇... 好鬼無用...! 哈哈!!!
宇軒 2009-11-29 01:36
阿飛飛 2009-11-28 16:02
記住人生係自己既, 唔好諗住人地會為你改變啲咩, 亦唔好諗佢夠唔夠愛你, 對男人嚟講兩樣野唔係對等既, 所以最緊要係揀條自己會開心既路, 唔洗諗咁多, 順其自然好好享受吓有人追既日子啦!!
陳小姐2009-12-02 01:24
唉, 我唔開心你唔知jer... 你想佢愛既人又唔做d野, 你無興趣果d呢, 就為你做鬼咁多野, 其實個人真係會內疚架...! 比人追係開心, 但我唔係特別enjoy比人追既過程, 特別係d無謂人...!
我都知佢唔夠愛我架喇, 所以我咪調節緊自己, 令佢知道其實自己都唔係得唯一一條路可以行, 得一個choice囉..! 其實同 T先生既相處係開心既, 不過, 有時候真係令人好炆架...! 不過, 佢都彷彿進步左, 佢知道自己對我唔夠好, 想對我好返d wor...! 其實我同佢既關係, 好快就有定案架喇, 我都唔想比自己浪費太多既時間去比一個人觀察自己係咪適合佢...! 畢竟我都唔係放嚮度隨時available for 佢架嘛...! 唔通變神檯桔先搵人要咩, 到時想要人望一眼都難喇...! 所以而家我有人約去街既, 想去咪去囉, 唔想去就推... 我既節目full到爆燈呀...! 呢個星期full晒喇... hahaha!!! 真係癲~
力高 = 蛋糕 2009-11-27 18:17
陳小姐2009-11-30 18:25
Xc 2009-11-26 20:51
愛人真係比被人愛累得多~
每個女孩子都希望成為被愛的女人,感受幸福 !!
我絕對認同要先愛自己,才懂得愛人..
陳小姐2009-12-02 01:15
係呀, 所以儘管我幾愛一個人, 而家都希望自己時刻保持清醒, 唔好再比呢D野沖昏頭腦... ! 我好攰呀, 真係好攰, 愛一個咁既男人真係比正常人加一百倍精力... 不過我覺得自己真係有進步, 仲要係神速果隻, 之前我好盲目, 呢一刻至少都懂得收放...! 我ENJOY同佢一齊既時間, 但佢唔陪我, 唔打比我, 我都學識放輕鬆心情... 因為, 我D節目都密到爆...! 佢唔約我都有另一D人約呀, 好似今日咁我好叻, 無因為佢想約我食LUNCH而放朋友飛機... 咁好無道德嘛...! 而且令佢知道我唔係隨時都AVAILABLE比佢約架, 哈哈!
美玉 2009-11-26 16:57
時時關心，時時感動。
..................................................陳小姐2009-12-02 01:26