兩個月來的點滴...

今日突然覺得自己好應該寫一篇blog, 唔可以比自己懶落去, 亦要好好答謝大家既厚愛同支持, 所以我要keep住update先得...! 不過可能我唔會好似之前咁迫得自己太緊, 係都要自己日日寫... 以後覺得想寫就寫囉, 唔好比太大壓力自己....!

其實我之前都提過, 嚮無update blog呢段時間, 其實發生左好多事呀... celia返左美國喇, 我病左仲入埋醫院喇, 識左 T先生....等等...! 當然呢兩個幾月我唔係咩都無做過架喇, 其實我都有煮下野食架, 只係無update嚮blog jer...! 我點會虐待celia唔煮好野佢食呢... 以下, 就係我為佢煮過既野食喇...

以下係 4 AUG 2009同celia既dinner...

蒜茸蒸扇貝

我本人真係好愛食海鮮架, 特別係貝類海產, 呢個扇貝我真係喜歡到極點, 因為, 呢味餸仲有我另一樣好喜愛既食物.... 蒜茸, 呵呵!!! 不過自問蒸煮海鮮一d都唔叻, 時間往往都把握得唔好既... 但我會再努力, 希望可以練多d, 快d有明顯既進步喇...

咸菜炒瘦肉

好一道充滿回憶既咸菜炒瘦肉, 呢個餸細個既時候我媽咪成日煮架, 到現時為止, 我仍然覺得佢係煮呢味餸煮得最好既一個人, 甚至我daddy呢個伙頭大將軍都唔及媽媽煮既味道...! 不過我都唔記得幾耐無食過我媽媽煮既飯... 佢呢個"無飯煮婦", 連湯都無煲比佢個女我飲... 好彩佢個女我識煮飯, 如果唔係真係餓死左... 哈哈!

咸菜苦瓜排骨湯

d個湯聽落個功效好好, 所以當時煮為celia而煲既...! 聽講係下火去熱毒, 去暗瘡對皮膚好wor...! 我見之前天氣熱又焗, 大家皮膚都差左, 所以就煲左呢個湯喇...! 自己覺得好味道, hehehe!!!

好.... 講住咁多先, 下次再update埋無寫blog其間煮過既野食... 呵呵! 好sleepy, 我要休息喇... (頂, 又四點... 真係人都癲....!!)