萬聖節

這幾天都有同不同的朋友講起萬聖節佈置及鬼屋，過往三年都有在兩處地方做佈置，其中以零四年最為大型！！做完零三年之後說過下年無橋啦．．．．．．

零四年八月尾吧，再開會話要再攪，有更多的時間及金錢去做，結果又有新意念，係咪最成功呢？未係．．．．．．因為有部分位置未能做到完美，但也十分不錯了！！零四完結，再一次講無橋啦，無架啦．．．．．．

零五不再是鬼屋模式，純粹Party佈置，但仍想做大佢，想用紙紮模式，意念被推翻了，唉．．．．．．無法中國人的地方做不到．．．．．．零三那年買了個紙紮燈籠也被小巴司機白眼，也有人話唔老黎，事後同朋友講紙紮燈籠事件，他話我不懂人情細顧，拎住咁ｏ既嘢應該坐的士，叫司機開車尾箱放喎～～

今年零六沒有地方要佈置了．．．．．．去了海水公園玩哈囉喂，回家想了一想，有多兩個構思──影子屋及玻璃屋！

影子屋～四周圍黑黑的什麼也沒有，工作人員同樣是黑衣打扮，不用大動作，細細的動作輕拍遊人後不動，在轉彎位、天花、地板放置黑紙人影，驚嚇之處在於遊人會自我幻想更可怕的東西！！

玻璃屋～像迷宮的玻璃屋內其中一部分是玻璃一部分是鏡，另一部分是後置投影幻象，一部分是工作人員坐著不動，等待機會出動！！

基本上，這兩個是寧靜的，不用像海水公園玩哈囉喂六間一樣用大力拍打牆壁來嚇人，可多些變化，這樣去多幾間鬼屋也不會悶啊，亦可保持驚嚇度！！

哈唔知幾時可用得到這兩個構思呢？？舊的唔用新的難有啊～～