「經歷」讓人成長

好多人都想藉著自己o既宗教信仰，得到生活上o既一帆風順，

信主前o既我，我有同樣o既想法，

但當想藉著「拜偶像」得著平安，發覺原來並唔可以，

我之所以信主，係因為我在危難當中，得到前所未有o既平安，

其實，信主後，路並未因此變得平坦及一帆風順，

相反，路更難走，但不同的是，難走o既路上得著力量和倚靠，

回想我o既屬靈生命o既成長，似乎都唔係藉著睇聖經而來，

因為我實在太忙太累，特別最近半年，一見到字就想訓覺，

神對我很是眷顧，佢無讓我o既靈命停滯不前，

佢讓我藉著經歷，使我在靈命上得以成長，感謝主，

我相信作為一個基督徒，屬靈生命總不能停滯不前，

我所追求o既信仰歷程也並非如此，

因為無經歷過神o既信仰歷程並不堅固，

最近，生活被工作打得很亂，我像是迷失方向，

不只在工作上方向o既追求被打亂，連我生活o既目標是甚麼，

我都不知道，我為何而活?! 我相信我o既生活，唔係只係有工作，

我o既生活應該仲有好多野，我有家庭，我有我o既信仰生活，

但呢份工作，將我一切都打亂，我好像唔可以陪家人，

甚至因為太忙，我覺得我同神o既關係也疏離了，

我唔要呢d種咁o既生活，我連事奉主o既精神、時間都無喇，

唔應該咁樣!!!

我覺得好似又跌倒喇，但我知神總不撇下我，

我相信，呢次經歷我總會有另一個得著同成長!!!