無所事事訓醒左~

而家都係8點左右~我頭先5點幾就醒左

因為訓唔耐，又要去廁所，右邊近坐骨位又痛

可能我一直只可以右側訓，個人又重，責住左~

好彩無嘈醒我老公，因為佢哩排又要攪新屋又要返工

都真係好疲累~

懷孕至今，D時間過得真係好快

當初結婚都想2年生BB，到有左，又好似好突然

大左個肚，又好似好自然

而家就生啦....都未係好想像到自己如何做阿媽 (放心，暫時沒抑鬱，是正面的)

因此自己都係大細路，都係一個人獨處都未必照顧到自己，

點知...就要照顧多一個人啦!

諗起好友當年初為人母講左一句感受，就係"啊! 咁就做左人阿媽啦"

哈! 原來真係會如此~

有BB都幾開心，不過我發現最開心係你見到你老公或者你D家人朋友為任開心

其實仲SWEET

好似第一次照超聲波，我自己去，見到阿B，其實無咩特別

反而之後一次我老公陪我去，佢見到阿B，笑得好開心，我又覺得好開心

我都幾羨慕有的朋友有BB之後，每一次阿B踢或者見到阿B(超聲波)都會好開心，

覺得生活好奇妙..

不過咁，我覺得當我順利生產後護士將BB放在我身的一剎...感覺應該會實在很多!

等待中~