最後抗戰的第三天

30號的今日，其實Bobbie仔整晚都沒有好好安睡。

朝早7點，兔爸派早餐比Bobbie仔食，明顯見到Bobbie仔精神差咗，四肢無力，胃口都差埋。到咗10點，到我派糧比佢時，佢只咬了兩啖，我心裏想，點算好呀，Bobbie仔？無胃口，唔食嘢，點抗戰？

到12點，去到診所見Dr.Florence，檢查Bobbie仔身體過後，體溫，呼吸正常，但佢抽搐得很明顯，很急，再check check腳仔，已比前日嘅腳力更加弱，更加無力，連個頭仔都＂得＂下嚟。我仲記得上次佢個頭仔都仲識得向上，仲好醒，好有堅強嘅意志。 經過一輪測試後，我向Dr.Florence講，我哋有定心理準備，請你坦白向我講，Dr.Florence話去到呢個地步bObbie仔已經好叻，好堅強，但佢身體明顯好倦，佢嘅雙眼已佈滿紅筋，佢嘅皮膚已經有點比較乾身，佢嘅毛髮已經沒有光澤。

最後，我跟兔爸商量過後，選擇比Bobbie仔安安樂樂去睡，從此以後Bobbie仔不用再捱著每分每秒的抽搐。

Bobbie仔,

請你原諒爸爸和媽媽對你的照顧不足，至會察覺唔到你遇上呢場大病。如果可以早些發覺，情況可能完全唔同。

不過，我哋唔會再有遺憾，因為你比到好多快樂我哋，在你身上見証咗好多奇蹟。呢D奇蹟已經印在腦海中。我哋有緣，一定會有另一個方式，在另一個地方相遇。

對唔住，有時咁大聲鬧你，希望你願諒爸爸和媽媽。

我沒有選擇即時走開，我寧願陪着你，讓我在場睇住你離開。能夠陪你走到最後一步，捱過最艱苦的歷程。只要我和你在一起，所有事情都會變得簡單，容易，接受。

請你永遠不要忘記我愛你，rest in peace，my Bobbie。

我和兔爸，旺旺仔，大食漬永遠懷念你。We all love you.希望你在天堂上過著愉快嘅生活。

31號，經過昨晚的一場眼淚洗臉後，我哋要多謝芝fun友，facebook友，blog友和親人的勉勵。我哋會重新振作。因為我哋知道Bobbie仔希望我哋笑多過喊。況且，天堂上面有好多狗仔陪佢玩。