近況 - May

Hi, Everybody! 好耐冇寫[o野]喇, 又係時候update下近況! 正所謂太陽底下無新事, 所以近排都冇乜特別事發生, 都係返工放工, 營營役役!

上個月同個朋友慶祝生日, 其中一項節目就去左觀塘工廠區, 估唔估到我地去做乜呢?! .....梗係唔係去做工廠妹喇! 我地去左一個藝術館 - Osage Gallery 參觀, 一D都唔覺悶, 因為題材都好生活化! 我地去果日一邊廂就係利用經常係流浮山出現[o既]蠔殼帶出環保意識; 而另一邊廂就係關於社會/時事題材例如居留權; 清拆皇后碼頭等等!

Photos: http://www.facebook.com/album.php?aid=33275&l=9ad33&id=618523271

另外早兩日同同事食lunch有件趣事! 因為公司附近有間新開食粥麵[o既]舖頭, 於是我地一行三個去試下, 點知果間[o野]D粉麵細碗兼夾貴, 搞到我地三個食完碗粉之後要緊接住再去大家樂食下午茶! 之後返公司途中, 又遇上大廈洗外牆, 我個同事咁[o岩]擘大個口食晒D洗牆水, 於是我個同事即時高呼: 「天呀, 我今日做錯D乜呀, 食又食唔飽, 仲要食埋洗牆水!!」不過佢唔知係咪講錯[o野], 返到公司, 唔知點解佢又踩住張post it, 整極都整唔甩! 笑到我捧住個肚!

剛過去星期五放工就同左我幾個team members去食飯, 我地去左銅鑼灣波斯富街《煮館》食野! 我地叫左番茄湯底[o既]火鍋、陶板燒, 仲有其他小食! 因為有個同事識得人[o既]關係, 仲有甜品送添! 果到D火鍋除左番茄湯底之外, 仲有用粥做[o既]湯底[o架]!

Photos: http://www.facebook.com/album.php?aid=36203&l=152ea&id=618523271

年頭曾經想換手提電話, 不過因為果排都冇乜新機出, 所以冇換到. 最近睇報紙HTC出左部Touch Diamond, 好型兼functional, 有320萬像素鏡頭; 2.8吋TFT色顯示屏; Touch screen; 手寫辨識; WiFi ; Microsoft Windows Mobile 6.1; 內置Office mobile/PDF, 內置4GB容量......好吸引, 不過好似要成$56xx! 如果trade埋部舊機同當我用開個台有折, 估計都要$46xx! 諗諗先!

HTC Touch Diamond: http://one2free.hkcsl.com/diamond