網誌分類：關於我.... |
                    |
上回講到第七型同我一D相同&唔相同的地方。今回都係繼續, 哈哈! 
安定方位﹕第五型
「第七型安穩的時候會變得心思細密﹐會經過觀察和周詳的考慮後才下決定。」
冇錯, 尤其係工作同shopping方面! 在成長過程裡, 我了解到自己在心急情況下會粗心大意, 我是一個從錯誤中學習的人
! 所以在工作上, 若然時間許可的話, 我都會真的「經過觀察和周詳的考慮」
才決定應該要怎樣處理手頭上工作, 盡量避免錯誤! 不過一些上司唔了解的話會覺得我做[0野]慢
, 但自問客觀分析其實我做野並不是龜兔比賽那麼慢, 通常我都能夠係特定時限裡完成工作, 因為當「經過觀察和周詳的考慮」後, 決定了每個步驟應該要點做時, 就可以勇往直前, 好快完成!
至於shopping, 好多時女仔見到心頭好都會急不及待買下來! 我自己以前都係咁! 但當發現買左好多無謂[0野]同埋買左返屋企先發覺唔[o岩]用
, 於是就開始要制止自己! 所以依家行街發現有野想買都唔會即刻買住, 返屋企諗清諗楚至決定買唔買! 就算決定買, 都要格晒價至買! 做個精明消費者! 
受壓方位﹕第一型
「受壓的第七型會變得專制﹐固執﹐容易發怒﹐對別人有所要求。」
係屋企裡面, 我係排行最小! 自細屋企人都對我遷就, 所以以前讀書時, 對家人的態度麻麻, 小小事都好容易發怒! 經歷了會考同A-Level之後再加上人大左, 已經變得冇以前咁執著! 不過當工作上遇到壓力時, 仍然會顯得「忟憎」!
第七型人的側翼﹕
「擁有第六型側翼的人比較忠厚﹐踏實﹐誠實面對自己的問題和焦慮。」
其實我都唔知自己算唔算有側翼, 因為我係第七型得分係5分, 而第六型得分係4分, 但因分數唔高, 所以唔知算唔算
! 不過我係會「誠實面對自己的問題和焦慮」的人, 因為自細屋企人都對我遷就, 自己知道交友同出黎工作都唔可能要人地就晒你
, 所以久唔久都會自我檢討下, 係待人處事上有D乜[0野]地方要改善!
其他關於第七型的資料
最渴望﹕開開心心
﹐無拘無束----------- 對, 認同!
最恐懼﹕悶﹐被束縛﹐被制肘--------------悶就唔怕, 不過我都唔鍾意被制肘
, 因為我有自己思想, 唔希望隨波逐流, 人云亦云
最難達到的美德﹕節制 (Sobriety)--------- 都唔係呀, 頭先提到shopping方面, 現在的我是非常節制的!!
最難克服的執念﹕多計 (Planning)--------- 對於人生[0既]大方向, 坦白講, 真係冇乜計劃, 冇諗過要幾時結婚生仔, 冇諗過若干年後要做經理
；反而自己係追求滿足感多於成就! 但一些短期目標, 例如旅行, 都會有一些計劃!
~待續~
