性格與相處

我係咪一個易相處ga人?

連我自己都唔知!

初相識的朋友,

我說話會比較客氣,

到熟絡了有時就會口不擇言,

加上我說話語氣冇尾音比較"掘",

往往令人覺得我在鬧人,

識得我耐ga朋友,

可能已經接受咗,

會覺得冇問題,

相比識得冇咁耐ga朋友,

一定會覺得我呢個人好怪,

一分鍾前冇嘢好地地,

一分鍾後就唔出聲,

好似嬲咗成村人,

其實我唔出聲個樣真係好似嬲咗成村人咁,

朋友們ga接受唔代表身邊人亦會接受,

好多時普通的一句話,

都會因為語氣的表達而令事情變得更加嚴重,

做我身邊人其實都幾慘,

因為前度的關係,

加上自己的執著,

我變得唔會咁易相信身邊人,

亦未能全心全意去接受,

遇到一D少少溝通上ga問題,

會問點解又會咁ga,

我諗我真係需要時間靜一靜,

去學點樣同人相處,

去諗諗將來條路應該點行,

免得日後大家都受苦!