過左1個超攰既生日.

上星期日係我31歲既生日, 本來諗住一早去廸士尼玩架, 但咁岩撞正美食節, 呢個係我地屋企一年一度既活動, 所以我地就一早去美食節掃貨先啦.

約左屋企人9點半係灣仔既麥當奴等, 我地一行8人, 有我, 傑, 爸, 媽, 細佬, 碧姨, 雲蓮姨同偉賢. 我地係麥當奴食完早餐之後, 就出發去美食節. 今年多人過上年呀, 一開始已經有好多人啦, 不過我地都食左好多野, 全部都係自己俾錢架, 試食既真係好少, 我地食左$30/隻既鮑魚, 仲有帶子, 腸, 雪巴, 蛋糕........真係食到好飽, 跟住我就買左D麵同意粉. 我地行到2點幾, 之後就去左婆婆到.

係婆婆到坐到5點幾, 我地就返左屋企放低D野先, 大約6點幾, 我地就出發去廸士尼啦, 哈哈, 其實入去陳士尼係為左羅個生日襟章呀. 去到廸士尼, 見到好多人走, 我地就入去.  我地一入去就係水晶店到睇下有咩新野, 最後亞傑買左個灰姑娘水晶俾我呀, 哈哈, 好開心呀, 跟住我地就去左玩巴斯光年, 無天理架, 佢竟然去到LEVEL 6, 太過份啦.

玩完都差不多8點啦, 我地就搵個靚位睇煙花呀. 睇完之後, 我地就出去旺角食吉列豬排飯, 哈哈, 真係好好食架. 返到屋企都10點幾啦, 唔知係咪太攰啦, 我地11點就瞓左啦.....