作主

我俾人鬧到喪喊嗰件事，第二日我仲我唔開心，事隔一晚，雙眼仍然紅腫！我好唔想返工，於是乎我打電話俾大家姐話俾佢聽我唔舒服，想晏D返，大家姐好好，無條件送咗半日假俾我！

夜晚，我同同事去唱k，包括大家姐、二家姐 & COO，大家姐忿忿不平將件事詳細再講一次俾COO 聽，COO聽到都好嬲，佢話星期一會捉條粉腸訓話同要求條粉腸向我道歉！道歉與否, I don't care! 我唔係要攞彩，總之，佢以後唔好再攪我就得喇！

大家姐都因為呢年事好唔開心，噚晚佢飲咗好多，飲到high high 地，攬住我同我講，佢話佢都因為呢件事好唔開心，佢叫我唔好將呢件事放喺心上，唔好因為呢年事唔做份工，有咩事佢會幫我頂。佢話如果條粉腸再找我麻煩，我可以cut條粉腸線，叫條粉腸直接佢！COO聽到，立即附和，話如果大家姐不在可直接搵佢！

有兩個咁錫自己嘅上司(特別係大家姐)，我覺得好幸運同感動！