網誌分類：未分類 |
今日繼續派月餅，去咗8 個客度，但當我派到尾聲時，發現少咗四張餅券，我R爆頭都唔知嗰四張餅券嘅下落？唔通coordinator俾少咗我？唔通跌咗？唔通送多咗俾人？唔通俾人偷咗？唔通漏咗喺公司？循以上方向去搜索都找不到答案。
於是乎我打電話俾 ‘大家姐’同‘二家姐’求救，但佢兩個都無聽我電話。我心諗呢ｄ可能係天意，叫我唔好將呢件事講俾佢地知！最後我決定唔驚動高層，自己 ‘銀’番四盒月餅出嚟擺平就算！500蚊應該夠啦 (我心諗)!
點知聖安娜淨係 citibank & DBS credit card先有折扣優惠！正價嘅話要二百幾蚊一盒，換言之，四盒要成千蚊，no way 啦！於是四圍張羅問下有無朋友有呢兩張credit card.
買唔成聖安娜，諗住買美心，good ! HSBC credit card有折！但當我準備俾錢時，發現無帶到呢張卡出街！又買唔成!
攪嚟攪去，攪到無晒時間見客，加上我當時極度depressed，所以決定call off 剩落嚟嘅appointment！
當我喺最沮喪嘅時候，幸運之神終於來臨，coordinator 話我知原來嗰四張餅券 somehow 仲 keep 咗喺佢度，無唔見到！好彩頭先無買到月餅咋！
真好彩，一來無驚動高層、二來無破財！只係虛驚一場！
PS, 多謝今日為我撲過 credit card 的人
！
子瓏 2009-09-28 17:11