大難不死

特別報導

日日我都係咁返工架啦,今日真係特別令我

                                心慌慌

                                 心寒寒

日日我都會跑去巴士站追一架九巴70號架巴士,點解我要追呢?

優點:

1.冇冷氣好岩我依d有鼻敏架人,唔係一上一落冷氣巴士係咁流鼻水

2.$7.1特平價錢由大埔去到佐敦,港鐵同271巴士都要$9.6

3.架車係行舊路上山,出到九龍又行上海街,在繁忙時間可以快過行高速公路架271,特別架彌敦道

4.因為行舊路多數都係去d村屋地方,好多亞婆住的地方,so一定有位坐

缺點:

得一個咋..................因為依架巴士半個鐘一班車,所以日日都要追餐死

今日星期三醫生唔返工,我如常9點半先起身,10點坐70號返工(我開工時間係10點),坐下訓下就到左九龍啦,我都差不多醒曬啦,因為就要落車,點知去到上海街中段許留山對出,突然成架車震,仲有巨響,上層d人落曬下層,巴士叔叔即時停車,我個心就開始勁跳啦,仲未識驚,自己個腦都停左好多秒,之後就好吵啦,有d亞婆係咁報警呀,好驚呀大叫,巴士叔叔上去睇咩事,原來有人搭棚飛左支竹出來呀,直插左落架巴士度,仲要村左個車頂,好彩就車冇咩人坐,個個都冇事,好似我d驚到講不出聲架人,緊係冇出過聲啦,更加冇上過去睇,又唔比下車,我個心跳跳跳都唔識打比人講驚驚啦,等到有警察來啦,我地先可以下車,要行返公司,行左一段路先識打比男朋友仔講驚驚

12點幾仲未打到比亞麻叫佢拜神同我祈福